Përsëri shtrenjtohet nafta në Kosovë, qytetarët: Rroga mesatare nuk e përballon këtë çmim
Derivatet përsëri kanë nisur të shtrenjtohen. Çmimi i naftës tani është ngritur deri në tre centë, si pasojë e lëvizjeve në tregun e jashtëm.
Ky ndryshim është vërejtur nga qytetarët, të cilët nuk e kanë pritur mirë këtë lajm.
“Keq është boll se ne me rroga jemi mesatare” tha një qytetar për Klan Kosova.
“Shtrenjtimet që janë për momentin në Kosovë, qytetarët e Kosovës me rrogat minimale dhe mesatare që i kanë nuk munden me i përballu”, tha një qytetar tjetër.
Megjithatë, çmimi pritet të normalizohet gjatë këtij muaji.
Ndryshime në tregun botëror mund të shkaktojnë edhe trazirat në Kazakistan, shtet ky eksportues i naftës.
Në Shoqatën e Naftëtarëve thonë se kjo situatë ka pak gjasë të ndikojë në Kosovë.
