Plagoset një person në lagjen ‘Bregu i Diellit’ në Prishtinë
Një person ka mbetur i plagosur sot pas gjuajtjes me armë zjarri në lagjen Bregu i Diellit në Prishtinë.
Këtë e ka konfirmuar policia, përmes një përgjigje për Metro.
Në këtë përgjigje u tha se sot rreth orës 16:30, policia ka marrë informacion për një plagosje me armë zjarri në lagjen Bregu i Diellit në Prishtinë.
Një person ka mbetur i plagosur dhe është dërguar për tretman mjekësor, thuhet tutje në përgjigjen e policisë.
”Sot rreth orës 16:30, policia ka marrë informacionin për një plagosje me arme zjarri në lagjen Bregu i diellit në Prishtinë. Menjëherë pas marrjes së këtij informacioni në vendin e ngjarjes kanë dalë të gjitha njësitet e nevojshme policore. Bazuar në të dhënat fillestare, në këtë rast një person është plagosur, dhe i njëjti është dërguar për tretman mjekësor. Aktualisht hetuesit policor kanë nisur një hetim për sqarimin e të gjitha rrethanave që lidhen me rastin.”