Policia e Kosovës mbyllë sy e veshë, thotë se s’ka hasur në xhandarmërinë serbe në Karaçevë të Kamenicës

Periskopi.com Lajme

Policia e Kosovës thotë se pas raportimit të një informacioni nga Karaçeva e Kamenicës, njësitet policore kufitare kanë reaguar menjëherë duke shkuar dhe patrulluar tek vendi ku është raportuar rasti, porse, nuk kanë hasur në xhandarmërinë serbe.

“Njësitet policore nuk kanë hasur në atë lokacion ndonjë njësi apo siç është informuar për ushtri të Serbisë”, thuhet në përgjigjen e Policisë së Kosovës.

Tutje, thuhet se njësitet policore kanë bërë shikimin e vendit sipas koordinatave si dhe kanë bërë patrullime dhe vëzhgime në atë zonë.

“Po ashtu është njoftuar edhe KFOR-i, pasi që mandatin e sigurisë së zonës së kufirit me Serbinë, ende e ka KFOR-i”, thuhet në përgjigje.

Pak më herët, drejtori Rashit Qalaj tha se lëvizje ka pasur, por nuk dihet se a ka qenë në territorin e Kosovës.

Shpërndaje në: