Policia jep detaje për aksionin në Ferizaj, u arrestua një i kërkuar me fletarrest ndërkombëtar
Policia jep detaje për aksionin në Ferizaj, konfirmohet arrestimi i të kërkuarit me fletarrest ndërkombëtar Policia e Kosovës ka konfirmuar lajmin e Indeksonline për aksionin në Ferizaj, ku u arrestua një i kërkuar me fletarrest ndërkombëtar.
Zëdhënësi i Policisë së Kosovës, Baki Kelani i cili ka dhënë detaje për rastin.
“Policia e Kosovës, në këtë rast njësia Fast -ILECU e asistuar nga njësia për reagim të shpejtë në Ferizaj, ka arrestuar një person të dyshuar (Zh. Zh.) shtetas Maqedon, i kerkuar nga Maqedonia Veriut me urdhërarrest ndërkombëtar për veprat penale: “Tentim vrasje në bashkëpunim”, “Fajde”, “Armëmbajtje pa leje municion dhe eksploziv” . Lidhur me personin e dyshuar tanimë të arrestuar, i cili dyshohet se ka masë dënimi për disa vite, janë duke vazhduar procedurat e prapara ligjore”, u shprehë Kelani.
