Policia ndalon dy persona në kufi, tentuan të dalin nga Kosova me teste të falsifikuara të Covidit 

Policia ndalon dy persona në kufi, tentuan të dalin nga Kosova me teste të falsifikuara të Covidit 

Policia e Kosovës ka arrestuar dy persona në Han të Elezit, ku tentuan të dalin nga Republika e Kosovës me teste të falsifikuara të virusit korona.
Me anë të një njoftimi për media, Policia ka njoftuar se rasti ka ndodhur gjatë ditës së sotme në Pikën e Kalimit Kufitar Hani i Elezit.

“Zyrtarë policorë, në Pikën e Kalimit Kufitar Hani i Elezit më 09.09.2021 rreth orës 09:10, gjatë kontrollimit të dokumentacionit përkatës përfshirë edhe dokumentacionin që kërkohet bazuar në vendimin e fundit të institucioneve të vendit për parandalim të përhapjes së pandemisë, pas dyshimeve të bazuara për falsifikim dokumenti, kanë ndaluar dy meshkuj kosovarë për kontrollim më të detajuar të dokumentacionit. Të dyshuarit E.F., (viti i lindjes 2003) dhe A.A (viti i lindjes 2003) kane prezantuar tek autoritetet policore dy dokument, vërtetim të testit RT-PCR Test Sars-CoV-2, të lëshuara nga QKMF ne Gjakovë. Zyrtarët policorë kanë kontaktuar me Qendrën Kryesore të Mjekësisë Familjare (QKMF)-Gjakovë, nga ku është konfirmuar se dokumentet e prezantuara nuk janë të evidentuar si dokumente të lëshuara në QKMF -Gjakovë”, thuhet në njoftim.

Për rastin është njoftuar prokurori kujdestar, bazuar në rekomandimin e tij, ndaj të dyshuarve iniciohet rasti nën dyshimin e kryerjes së veprës penale ‘legalizim i përmbajtjes së pa vërtetë’.

Dokumentet janë konfiskuar nga ana e policisë, rasti bazuar në aktvendimin e prokurorit vazhdon në procedurë të rregullt. /

 

Shpërndaje në: