Popull, Milani sonte luan kundër Genoas: Në këtë artikull i gjeni fatlumët që luajnë me vërshëllimën e parë

Popull, Milani sonte luan kundër Genoas: Në këtë artikull i gjeni fatlumët që luajnë me vërshëllimën e parë

Klubi i Milanit sonte ndeshet me klubin e Genoas në stadiumin e ‘San Siros’, në kuadër të 1/16-tës së Kupës së Italisë.

Milani ka Tomori dhe Rebic të rikthyer nga COVID-19 dhe lëndimi përkatësisht, të cilëve iu bashkuan Daniel Maldini dhe Junior Messias.

Zlatan Ibrahimovic, Davide Calabria, Simon Kjaer, Alessio Romagnoli, Samu Castillejo, Pietro Pellegri, Franck Kessie, Fode Ballo-Toure dhe Ismael Bennacer janë të padisponueshëm.

Andriy Shevchenko rikthehet në San Siro si kundërshtar, ndonëse raportet sugjerojnë se do të jetë ndeshja e tij e fundit në pankinën e Genovas pavarësisht rezultatit.

Ai mori detyrën nga Davide Ballardini vetëm dy muaj më parë, por rezultatet e zymta, duke përfshirë një humbje në shtëpi ndaj Spezias në fundjavë, vulosën fatin e tij.

Mungojnë sërish të shumtë, mes të cilëve Nikola Maksimovic, Domenico Criscito, Andrea Cambiaso, Valon Behrami dhe Yayah Kallon.

Formacionet zyrtare të të dy skuadrave:

Milan XI: Maignan; Kalulu, Gabbia, Tomori, Theo Hernandez; Tonali, Krunic; Messias, Maldini, Leao; Rebic.

Genoa XI: Semper; Hefti, Vanheusden, Ostigard, Vasquez; Portanova, Badelj, Melegoni; Yeboah, Caicedo, Ekuban.

Fituesit, të vendosur pas 90 minutave, shtesë ose penalltive, do të takohen me Lazio ose Udinese në çerekfinalen e muajit të ardhshëm.

Shpërndaje në: