Preken rusët: Kritikojnë Britaninë që nuk e ftuan asnjë zyrtarë të Rusisë në funerealin e Mbretëreshës
Zëdhënësja e Ministrisë së Jashtme ruse, Maria Zakharova, e ka dënuar vendimin e Britanisë së Madhe për të mos ftuar zyrtarët rusë për të marrë pjesë në funeralin e Mbretëreshës Elizabeth II, të hënën.
“Ne e shohim këtë si përdorim të tragjedisë kombëtare, e cila ka prekur zemrat e miliona njerëzve në mbarë botën, për qëllime gjeopolitike për të larë hesapet me vendin tonë, e pamoralshme”, tha Zakharova.
Marrëdhëniet diplomatike midis Mbretërisë së Bashkuar dhe Rusisë janë shembur që nga pushtimi i Ukrainës nga Rusia. Një zëdhënës i presidentit rus Vladimir Putin kishte thënë tashmë se lideri rus “nuk po e konsideronte” pjesëmarrjen në funeralin.
Nuk janë ftuar as përfaqësues nga Siria, Venezuela, Afganistani, Biellorusia dhe Mianmari.
