Presidenti i Bullgarisë: Propozimi francez, më i favorshmi
Presidenti i Bullgarisë, Rumen Radev, doli në mbështetje të propozimit francez për zgjidhjen e mosmarrëveshjeve me Maqedoninë e Veriut.
Ai tha se formula e Macron përmban shumë nga kërkesat themelore të Sofjes dhe se do kishte qenë shumë më i suksesshëm nëse politikanët bullgarë do t’i kishin kushtuar më shumë vëmendje këtij procesi.
Kreu i shtetit rikujtoi se prej kohësh ka këmbëngulur që bullgarët maqedonas të përfshihen në kushtetutën e Maqedonisë së Veriut.
Propozimi francez u miratua në parlamentin bullgar, me disa kushte shtesë. Tashmë i mbetet në dorë qeverisë që ta nënshkruajë dhe të heqë veton ndaj Maqedonisë së Veriut, duke lejuar që edhe Shqipëria të nisë negociatat e anëtarësimit në BE.
Por Shkupi e ka refuzuar formulën e Macron, me arsyetimin se nuk garanton mbrojtjen për identitetin kombëtar maqedonas dhe gjuhën maqedonase.
