Presidenti Macron me beretë në kokë ia thotë këngës me barinjtë

Presidenti francez Emmanuel Macron bëri një vizitë të papritur në jug të Francës. Ai shfaqet i veshur me një beretë klasike franceze dhe shoqëron një kor barinjsh të cilët ishin duke kënduar këngë tradicionale.

Në një video të publikuar nga rrjeti francez “BFMTV”, Macron i shoqëruar nga bashkëshortja e tij, Brigitte, shfaqet i relaksuar dhe duke shijuar peizazhet e bukura në rajonin Arzel-Gazost në jug të Francës pranë kufirit me Spanjën. Presidenti francez në një moment iu drejtua njërit prej barinjve dhe tregoi beretën e tij duke buzëqeshur.

Gazeta franceze “La Parisien” raporton se 44-vjeçari Macron ka vizituar rajonin e Pirenejve ku zhvillohet çiklizmi “Tour de France”, i cili tradicionalisht vizitohet nga presidentët francezë gjatë organizimit sportiv.

Nuk munguan komentet negative  për paraqitjen e tij në krah të barinjve.

Presidenti duket i përmbajtur dhe arrogant”, shkroi një përdorues në Twitter.