Prokuroria bullgare numëron vetëm 44 trupa të vdekurish: Njëri as mes të vdekurve, as mes të mbijetuarve

Periskopi.com Lajme

Në paraqitjen para mediave të prokurorëve bullgarë, është dhënë një variant tjetër dhe i padëgjuar deri më tani për aksidentin tragjik në Bullgari.

Prokurorja tha se në vendngjarje kanë numëruar 44 trupa të pajetë, ndërkaq një i mbijetuar i ri u ka deklaruar se ka shpëtuar 8 persona. Ndërsa në Spital të shtrirë janë 7 pacientë, derisa në autobus kanë qenë 52 udhëtarë.

“Shqyrtohet mundësia që një nga udhëtarët të ketë zbritur dhe ka hipur në autobus tjetër në bazë të listët se në autobus ka pasur 52 udhëtarë”, tha prokurorja.

Ajo është përlotur gjatë paraqitjes para mediave, pasi informacionin se janë shpëtuar 8 persona e ka marrë nga i mbijetuari i moshës së re, siç tha ajo, të moshës së njëjtë me të birin e saj.

“Unë i thash atij ti je hero, sepse ke arritur të shpëtosh 7 persona. Ai më tha, jo, unë kam shpëtuar 8 persona.”