Prokuroria i futet Telekomit, po hetohen punësimet
Të mërkurën dhe të enjten hetues policorë kanë shkuar në ndërtesën e Telekomit të Kosovës për të mbledhur dokumentacion duke nisur kështu hetimet për punësimet masive.
Siç merret vesh nga Prokuroria, ky organ tashmë ka nisur edhe zyrtarisht hetimet për punësimet në periudhën shkurt 2018-shkurt 2019.
Mediat kanë raportuar tash e disa javë se si deputetë, kryesisht të AAK-së, e kanë shfrytëzuar ardhjen në pushtet për të rehatuar familjarët e tyre në ndërmarrjen publike, që është në prag të falimentimit.
Edhe deputetë e zyrtarë të PDK-së e NISMA-s kanë punësuar njerëzit e tyre në këtë periudhë.
Ndryshe, javë më parë u dorëheq një drejtor i Telekomit pasi u zbulua se kishte punësuar 4 fëmijët e tij.
