PSG kualifikohet, City dështon me Atalantën
Paris Saint-Germain ka marrë një fitore të vështirë përballë Club Brugge, duke siguruar kualifikimin tutje.
Ekipi francez fitoi me rezultat minimal, falë edhe një penalltie të humbur nga mysafirët.
Mauro Icardi (22’) realizoi golin e fitores, kurse Diagne (76’) i huqi mundësinë skuadrës së tij për të marrë pikë nga ‘Parc des Princes’ pasi dështoi nga penalltia.
PSG prin në grupin A me 12 pikë, ndërsa Brugge ka vetëm dy pikë në vendin e tretë.
Manchester City është ndalur vetëm me barazim në udhëtim te Atalanta.
‘Qytetarët’ e lëshuan epërsinë, duke barazuar 1-1.
Raheem Sterling (7’) shënoi në pjesën e parë, kurse Pasalic (49’) vulosi rezultatin përfundimtar të ndeshjes.
City vazhdon i pari në grupin C me 10 pikë, kurse ekipi italian fiton pikën e parë pas katër ndeshjeve.
