PSG me rezerva e poshtëron Real Madridin në Parkun e Princave
PSG e ka mposhtur Real Madridin më rezultat 3-0 në ndeshjen e Grupit A në Champions League.
Parisienët nuk e patën aspak problem triumfin kundër “Los Blancos” pavarësisht mungesave të lojtarëve kryesorë, përfshirë Edinson Cavanin, Neymarin dhe Kylian Mbappen.
Angel Di Maria i realizoi dy golat për parisienët, dhe atë qysh në pjesën e parë.
Fillimisht hapi llogarinë në minutën e 14-të, pas asistimit të Juan Bernat, ndërsa dyfishoi duke shfrytëzuar për mrekulli asistimin e Idrissa Gana Gueye në minutën e 35-të.
Ndërsa krejt në fund, në kohën shtesë, Thomas Meunier ia dha goditjen e fundit skuadrës së Zinedine Zidanes.
Kështu, PSG bën një hap para rivalit më të madh në grup për vendin e parë, me Club Brugen dhe Galatasarayin që më herët u ndan baraz pa gola. /Periskopi.com/