Pushteti të ndërron: Kryeministri i Lesotos vrau gruan vetëm dy ditë pasi u bë kryeministër, kërkon imunitet

Periskopi.com Lajme

Kryeministri i Lesotos ka bërë një paraqitje befasuese në gjykatë, ku avokatët e tij argumentuan se detyra si kryeministër i ofronte atij imunitet pasi prokuroria po e përndjek për akuzën se e kishte vrarë gruan e tij pak pasi e mori pushtetin.

Thomas Thabane do të duhej të akuzohej për vrasje të premten, por 80 vjeçari nuk u paraqit në seancën dëgjimore në Maseru, kryeqyteti i kësaj mbretërie të vogël malore, duke thënë se duhej të udhëtonte për në Afrikë të Jugut për trajtim mjekësor.

Të hënën sidoqoftë Thabane u ul në pjesën e publikut me gruan e tij të dytë ndërsa avokati i tij me emrin Qhalehang Letsika, argumentoi se akuza për vrasje kundër kryeministrit ngriste një çështje domethënëse kushtetutore që duhej të zgjidhej para se të lexoheshin akuzat ndaj klientit të tij, shkruan The Guardian, përkthen në shqip Periskopi.

Magjistrati Phethise Montanyane, pranoi që rasti të referohej në Gjykatën Supreme.

Lipolelo Thabane, 58 vjeçare, ishte qëlluar disa herë nga afërsia derisa po ulej në makinën e saj ndanë shtëpisë, dy ditë pasi burri i saj u inaugurua si kryeministër në vitin 2017. Ajo raportohet se kishte refuzuar divorcin dhe e kishte fituar betejën në gjyq për ta marrë privilegjin e të qenit zonja e parë deri në ndarjen formale prej tij.

Thomas Thabane ishte rimartuar vetëm dy muaj pas vdekjes së saj. Gruaja e tij e dytë me emrin Maesaiah, 42 vjeçare, u akuzua për vrasje gjatë këtij muaji po ashtu pasi kishte ikur shkurtimisht nga vendi. Të dy e kishin mohuar çdo përfshirje në vrasje.

Kryeministri Thabane ka thënë se do të jepte dorëheqje në fund të muajit korrik.

Lesoto e ka një histori të gjatë të puçeve dhe jostabilitetit politik. /Periskopi

Shpërndaje në: