Që tetë vite nuk është ngritur nga shtrati i komës, Schumacher sot mbush 53-vjeç

Që tetë vite nuk është ngritur nga shtrati i komës, Schumacher sot mbush 53-vjeç

Shtatë herë kampioni i botës, Michael Schumacher mbushi sot 53 vjeç. Gjermani ka përjetuar një aksident të tmerrshëm tetë vite më parë dhe ende nuk e ka marrë veten.

Në dhjetor 2013, ndërsa ishte në një udhëtim për ski me familjen e tij, Schumacher pësoi një dëmtim të rëndë në tru kur zbriste Combe de Saulire pranë Meribel në Alpet Franceze me djalin e tij Mick. Ndërsa kalonte një zonë jashtë pistes midis Piste Chamois dhe Piste Mauduit, ai u rrëzua dhe goditi kokën në një shkëmb.

Pavarësisht se mbante një helmetë skijimi, ai pësoi lëndime katastrofike. Schumacher u dërgua me urgjencë në spital dhe u mbajt në koma pas aksidentit dramatik, ndërsa mjekët punonin për të shpëtuar kampionin e garave.

Për shkak të historisë së tij në F1, ish-piloti mbetet një frymëzim për shumë njerëz në rrjetin aktual të F1.

Në jetë, gjermani është tashmë një legjendë, siç dëshmohet nga mënyra se si kolegët dhe pasardhësit e tij në rrjetin F1 e shikojnë atë. Familja e tij nuk ka treguar shumë për situatën aktuale të Schumacher. Ajo që dimë është se ai është ende gjallë dhe sot ka mbushur 53 vjeç.

Shpërndaje në: