Qeveria e Finlandës në ankth: Vetëm sa s’jemi pushtuar nga Rusia

Sipas dyshimeve të qeverisë finlandeze, Rusia është duke blerë prona në Finlandë për t’i akomoduar trupat e saj në rast të një pushtimi në një të ardhme të afërt, transmeton Periskopi.

Siç raportojnë mediat ndërkombëtare, Rusia po i blenë këto prona nëpërmjet disa individëve të huaj dhe të dyshimtë.  Një raport i publikuar pak ditë më parë nga qeveria finlandeze, zbuloi se agjencia e inteligjencës Supo ka ngrehur shqetësimet e saj për numrin e pronave të zotëruara nga individët e jashtëm, në një situatë të ndjeshme politike në regjion.

“Veprimet që mund të lidhen me përgatitjet për shtrim të influencës në një situatë krize po hetohen në mënyrë të vazhduar nga Supo. Kemi dyshimet tona lidhur me transaksionet për blerjen e tokave që nuk kanë qëllime biznesi dhe janë jologjike me vlerën reale të pronave specifike”, thuhet në këtë raport.

Një tabloid finlandez ka shkruar se ka një lidhje ndërmjet këtij raporti dhe sinjaleve të vazhdueshme ruse karshi Finlandës.

Gjatë muajit nëntor, ministrat finlandezë, njëzëri, kishin shprehur shqetësimet e tyre rreth një propagande ruse për një sulm të mundshëm ushtarak ndaj shtetit të tyre. /Periskopi/