“Qeveria Kurti e ka mbushur Kosovën me prodhimet e Serbisë”

“Qeveria Kurti e ka mbushur Kosovën me prodhimet e Serbisë”

Adil Behramaj, ish këshilltari i ish-presidentit të vendit, Hashim Thaçi ka kritikuar Qeverinë Kurti sa i përket produkteve serbe në vend.

Ai tha se Qeveria Kurti e ka mbushur Kosovën me prodhimet e Serbisë, me ato që i rrotullonte kamionët më herët vetëm që të mos bëheshin pjesë e tregut të Kosovës.

“Sipas të dhënave zyrtare të Agjencisë së Statistikave të Kosovës, Serbia e ka pjesëmarrjen më të madhe të importeve në tregun e Kosovës. Në 6-mujorin e parë të vitit 2021, Serbia renditet e para nga shtetet me importin më të lartë me 6.4%, Shqipëria e dyta me 5.6% dhe Maqedonia e Veriut e treta me 5.2%”, shkroi ai.

Tutje Behramaj tha se me Qeverinë Kurti ka 143% rritje të importit nga Serbia dhe se me Qeverinë Kurti, Serbia po kalon nëpër Kosovë dhe Shqipëria po bllokohet.

Shpërndaje në: