Rama: Po tërhiqemi, nuk do të rritet çmimi i energjisë elektrike

Rama: Po tërhiqemi, nuk do të rritet çmimi i energjisë elektrike

Kryeministri i Shqipërisë, Edi Rama, ka bërë të ditur se qeveria është tërhequr nga rritja e çmimit të energjisë elektrike.

Përmes një videoje në profilin e tij në “Facebook”, Rama ka treguar arsyet se pse qeveria është tërhequr nga ky vendim.

“Kursimi i energjisë është arma kryesore për ta kaluar këtë dimër pa kufizime energjie. Unë dhe kjo qeveri jemi këtu jo vetëm për të garantuar mbrojtjen e çmimit të energjisë, por dhe për të mos lënë asgjë pa bërë që barra faktike dhe psikologjike e kësaj lufte dhe inflacionit që ka sjellë, të lehtësohet sa më shumë. Jam këtu për t’ju thënë se sot kam një lajm pozitiv pas një diskutimi që jemi zhvilluar mbrëmë. Në 1 shtator kur vendosëm fashën, kërkesa për energji nga KESH-i ishte rreth 17 mijë, sot është 11 mijë kilovat/orë. Kjo kërkesë ishte ndjeshëm më e lartë se sa ç’është sot dhe në këtë ulje të ndjeshme ka luajtur rol rënia e temperaturave dhe rol të rëndësishëm ka fillimi i një qasje pozitive të abonentëve familjarë për ta kursyer energjinë. Ditët e fundit kemi pasur përmirësim të nivelit në Fierzë dhe presim rrjedhje të tjera në fund të 10-ditëshit të parë të tetorit. Bazuar në këto kushte, ne vendosëm që kalimi i fashës 800 kilovat të mos hyjë në fuqi në muajin tetor. Ndërkohë të gjithë duhet të jenë të vëmendshëm që ta kursejnë sa më shumë energjinë”, ka thënë Rama. /Tvklan.al/

Ai ka thënë se faktorët klimatik kanë pasur rolin e tyre në këtë aspekt.

“Në këtë ulje të ndjeshme, ka luajtur rol rënia e temperaturave të nxehta, por s’ka dyshim se rol të rëndësishëm, ka edhe fillimi i dukshëm i një qasjeje pozitive të abonentëve familjarë, për ta kursyer energjinë. Në këto kushte, ne vendosëm që aplikimi i fashës 800kw, të mos hyjë në fuqi në 1 tetor”, ka deklaruar ai.

Shpërndaje në: