Raporti: UNMIK-u dështoi krejtësisht
Kombet e Bashkuara kanë pranuar një vërejtje nga një panel i të drejtave të njeriut, lidhur me misionin paqeruajtës në Kosovë, që i ka cilësuar përpjekjet e panelit për ta bërë misionin përgjegjës për shkeljen e të drejtave të njeriut si “dështim total”, njofton Klan Kosova.
Raporti 49 faqësh i Panelit Këshillues për të Drejta të Njeriut, pjesë e Misionit të Përkohshëm të Kombeve të Bashkuara në Kosovë – UNMIK – është shumë kritik për mënyrën se si misioni ka vepruar, duke dështuar që të hetojë shkeljen e të drejtave të njeriut, zhdukjet dhe vrasjet, si dhe neglizhencën në trajtimin e helmimit në masë të romëe në kampin e Kombeve të Bashkuara.
Përfundimet e raportit mund të jenë njollë e zezë për Kombet e Bashkuara, që vazhdimisht kritikojnë qeveritë për mungesë përgjegjësie dhe mbrojnë ata të cilët u janë shkelur të drejtat e njeriut në zona konfliktesh nëpër botë.
“Për shkak të mosdëshirës së UNMIK për të përcjellë rekomandimet”, shkruhet në raport, “nuk ka pasur asnjë shenjë të përmirësimit apo veprimit në ankesa”.
“Si rezultat, ata janë viktimizuar nga UNMIKU në dy drejtime: nga shkelja e të drejtave të tyre të njeriut dhe besimi që ata kanë pasur në proces”.
Zyrtarët e UNMIK e kanë komentuar raportin, e publikuar në qershor, duke thënë se e cmojnë raportin e panelit dhe se ai nuk është ndonjë tribunal a dicka e ngjashme.
Ndërsa në konkulza të raportit të Panleit thuhet se ai “ka përfunduar mandatin pas tetë vjetësh mendimesh dhe rekomandimesh të dhëna, duke e deklaruar procesin dështim total”.
