Rasti tragjik në Prishtinë, Zogaj bën thirrje për kujdes të shtuar
Si pasojë e erërave të forta në kryeqytet sot pati edhe një rast tragjik.
Nga një lis i rrëzuar në lagjen Pejton, ka humbur jetën një 30 vjeçar.
Pas rastit tragjik, nënkryetari i Prishtinës, Alban Zogaj ka bërë thirrje për kujdes të shtuar, sidomos në pjesët e qytetit ku ka drunj përreth
Ai tha se ekipet e shpëtimit janë në teren dhe po meren me rastet e aksidenteve.
Postimi i plotë:
Ju lutemi, për shkak të shiut të rrëmbyeshëm dhe erërave të forta, të keni KUJDES, sidomos në pjesët e qytetit që kane drunj përreth! Ekipet tona të shpëtimit janë në terren dhe po merren me rastet e aksidenteve!.
