Reagimet e para – Javën e ardhshme BE mbledhë 27 anëtarët
Presidenti i Këshillit Evropian Donald Tusk, mbajti një konferencë për mediat duke thënë ky është një moment dramatik e sidomos për BE-në. Ai u shpreh se unioni është i përgatitur për skenarin më të keq të mundshëm dhe se do të zhvillojë një takim me liderët e 27 vendeve anëtare gjatë javës së ardhshme.
Tusk nënvizoi se blloku do të ruajë unitetin me pjesën e mbetur të shteteve anëtare.
Në të njëjtën linjë qëndroi edhe Presidenti i Parlamentit Evropian Martin Schulz u shpreh vullneti i qytetarëve duhet respektuar dhe se procedura e daljes duhet të kryhet te sa më shpejt.
Nga ana tjetër, ministri i Jashtëm gjerman deklaroi se kjo është një ditë e trishtë për Britaninë e Madhe. Por nuk ka qenë e të njëjtit mendim liderja e Frontit Nacional në Francë, Marine Le Pen, e cila shkruan se dalja e Britanisë nga unioni është një fitore për demokracinë.
Ndërkohë, lideri i laburistëve në Britani, Jeremy Corbyn u shpreh se qeveria duhet që shumë shpejt të aktivizojë nenin 50 të Traktatit të Bashkimit Evropian për të nisur procedurat e daljes.
