Reagon Rama për tensionet në Veri: Kosova të dialogojë, Serbia të bashkëpunojë, BE të ndërmjetësojë

Ka ardhur edhe reagimi për herë të parë nga kryeministri Edi Rama mbi situatën e fundit që ka rritur tensionet mes Kosovës dhe Serbisë për reciprocitetin e targave.

Në një postim në rrjetet sociale, kreu i qeverisë thekson se Kosova e ngre problemin me plotë të drejtë, ndërsa shton se duhet shmangur bumerangu i ngrirjes së konfliktit siç ndodhi me tarifën 100%. Sipas Ramës, Kosova duhet të dialogojë,  Serbia të bashkëpunojë dhe BE të ndërmjetësojë.

“Kosova e ngre problemin me plot të drejtë. Tani që problemi të zgjidhet dhe reciprociteti i targave të garantohet duhet shmangur bumerangun e ngrirjes së konfliktit në këtë pikë (siç ndodhi me tarifën 100%).Duhet që Kosova të dialogojë, Serbia të bashkëpunojë, BE të ndërmjetësojë,” shkruan Rama.