Real Madridi shumë i fortë për Interin
Real Madrid e ka mbyllur me fitore aventurën në fazën e grupeve të Ligës së Kampionëve.
“Los Blancos” mposhten Interin me rezultat 2 – 0.
Golin e parë në këtë takim e shënoi mesfushori Toni Kroos. Gjermani realizoi nga distanca pas një pasimi të bukur nga Rodrygo (17′).
Gjërat për Interin u vështirësuan kur Nicolo Barella u ndëshkua me të kuq, pas një ndërhyrje me Eder Militaon (64′).
Pastaj, ishte i inkuadruari Marco Asensio që vulosi fitoren me një eurogol nga distanca (79’), që la në gjumë portierin mysafir.
Me këtë fitore, Real Madrid largohet nga grupi D me 15 pikë, derisa Inter kualifikohet si pozitë e dytë me 10 sosh.
