Rezervuarët e ujit po pastrohen dhe dezinfektohen
KRU “Prishtina” njoftoi se sot u pastrua dhe dezinfektua rezervuari i ujit në stacionin e pompave “Kroni” në Fushë Kosovë.
Për këtë arsye, KRU “Prishtina” tha se ne e kemi ndërprerë furnizimin me ujë të pijshëm për konsumatorët e zonës që furnizohen nga ky sistem.
“Furnizimi me ujë do iu rikthehet në orën 22:00, dhe vlen të theksohet se Bardhi i Madh ditëve në vijim, do të ketë furnizim me ujë 8 orë brenda 24 orëve”, thuhet në komunikatë.
Punëtorët e saj, thotë KRU” Prishtina”, meritojnë respekt pasi me punë të pandërprerë po u dalin në ndihmë qytetarëve, andaj kërkojnë t’i trajtojmë ata sikurse mjekët, infermierët e policët, në vijën e parë të frontit në përballje me virusin COVID-19.
Ndryshe, pastrimi i rezervuarëve është i domosdoshëm për ruajtjen e cilësisë dhe sasisë së ujit të pijshëm.
