Ronaldo kritikon mediat: Por, jo si disa-disa në Kosovë ?
Së fundmi ka pasur spekulime të shumta që e lidhnin Cristiano Ronaldon vazhdimisht me një largim nga “Old Trafford” këtë verë.
Ylli i Manchester United si duket dëshiron të largohet nga klubi vetëm për t’iu bashkuar një skuadre e cila do të garojë në Ligën e Kampionëve, përcjell KosovaPress.
Por, këto spekulime tani i ka përqeshur vetë ylli portugez, ku ndër të tjera tha se mediat e kanë të pamundur që të mos flasin vetëm një ditë për të.
“Është e pamundur që mos të flasin për mua vetëm një ditë. Përndryshe, mediat nuk do të bënin para. Ju e dini që nëse nuk gënjeni, ju nuk mund të keni vëmendjen e njerëzve. Vetëm vazhdoni, ndoshta një ditë do t’ia qëlloni lajmeve”, tha Ronaldo.
Pasi filluan të qarkullojnë spekulimet se Ronaldo ka kërkuar largimin nga Manchester United, ylli portugez është lidhur me transferime te gjigantët evropian si Bayern Munich, Chelsea e Atletico Madrid, por që të tri këto skuadra kanë refuzuar të transferojnë yllin portugez.
