Ronaldo tregon sakrificat që bëri nëna e tij: Punonte shtatë ditë në javë dhe flinte e uritur
Cristiano Ronaldo është njëri nga lojtarët më të mirë që njeh bota e futbollit, por rrugëtimi i tij për të arritur këtu ku është sot nuk ka qenë aspak i lehtë
Ylli portugez ka fituar pesë herë Topin e Artë në karrierë, derisa në çdo skuadër që ka qenë ai e ka pasur fjalën e fundit, shkruan e Periskopi.
Ronaldo të gjitha sukseset ia dedikon nënës së saj, znj.Maria Dolores, e cila kishte sakrifikuar shumë për të birin.
Ronaldo është rritur në një familje të varfër me nënën që i kishte punuar nga shtatë ditë në javë vetëm që atij të mos i mungonte asgjë për ta ndjekur ëndrrën për t’u bërë futbollist.
“Nëna ime ka sakrifikuar shumë për mua. Ajo ka fjetur e uritur natën, por është siguruar që unë të kem diçka për të ngrënë. Ne nuk kishim para dhe ajo punonte shtatë ditë të javës vetëm që unë të bëhem futbollist. Unë të gjitha sukseset ia dedikoi asaj,” ka thënë Ronaldo.
34 vjeçari pas çdo suksesi të arritur ose pas çdo çmimi të rëndësishëm që e fiton gjithmonë e merr me vete nënën e tij.
Madje ai kishte prishur marrëdhëniet me ish të dashurën e saj, Irina Shiyak vetëm shkaku që ajo kishte kërkuar llogari nga CR7 se pse e merrte nënën e tij kudo që shkonin.
Ronaldo tash e disa vite është në lidhje me bukuroshen Georgina Rodriguez. /Periskopi/