Scholz pret sot ndaras Kurtin e Vuçiqin
Sot, kancelari i Gjermanisë, Olaf Scholz, ka agjendë ballkanike.
Kryeministri i shtetit lider të Bashkimit Evropian do t’i takojë ndaras liderët e dy shteteve të Ballkanit Perëndimor që kurrsesi nuk po arrijnë të pajtohen.
Pasditja e së mërkurës që vjen është e rezervuar për takim bilateral me kryeministrin e Kosovës, Albin Kurti.
Me homologun nga Prishtina në Berlin, sipas njoftimit nga zyra e kancelarit, do të flitet mbi zhvillimet e mëtejshme për statusin ndërkombëtar të Republikës së Kosovës që lidhet ngushtë me ofrimin e këtij vendi me Bashkimin Evropian dhe NATO-n.
Mbrëmjen e po të njëjtës datë, pra sot, Scholz e ka rezervuar për takim me presidentin e Serbisë, Aleksandar Vuçiq, me të cilin preken zhvillimet në statusin ndërkombëtar të shtetit serb dhe ofrimin e tij me BE-në.
Si me Kurtin, ashtu dhe me Vuçiqin, kancelari gjerman do të dalë në konferencë për media.
