Shefi i BE-së në Kosovë viziton komisionin e Haki Abazit, ky thotë që s’folën për Zajednicën
Shefi i zyrës së BE-së në Kosovë, Tomash Szunyog ka diskutuar me anëtarët e Komisionit për Punë të Jashtme dhe Diasporë për dialogun me Serbinë, liberalizimin e vizave dhe një varg çështjesh tjera që lidhen me procesin integrues, raporton Ekonomia Online.
Por në takimit që zgjati më shumë se një orë nuk është diskutuar për themelimin e asociacionit të komunave me shumicë serbe, ka konfirmuar pas takimit kryetari i këtij Komisioni Haki Abazi.
Abazi së fundi u bë i njohur për publikun pasi kërkoi që qytetarët të mos blinin produkte serbe edhe pse bën pjesë në partinë që mban pushtetin dhe që ka premtuar Reciprocitet ndaj vendit armiqësor.