Shkarkohet kryeshefi i emëruar me mbikëqyrje ndërkombëtare: Ruanu nëse luftoni krimin e organizuar
Kryeshefi ekzekutiv i Stacionit të Autobusëve, Luan Hoti, është shkarkuar nga detyra e tij.
Vendimi për shkarkimin e tij është marrë të enjten, e lidhur me shkarkimin Hoti ka shkruar në Facebook duke hedhur akuza të rënda ndaj qeverisjes në Prishtinë.
Ai tregon se ka qenë i përzgjedhur me konkursin e mbikëqyrur nga Ambasada Britanike dhe se ka treguar performancë të shkëlqyeshme.
Më tej, Hoti pretendon se ka luftuar krimin e organizuar dhe ka eliminuar keqpërdorimet, dhe pikërisht për një gjë të tillë është shkarkuar, përcjell Periskopi.
Për herë të parë pas 20 vitesh, ai shton se e ka bërë Stacionin të dalë në bilanc pozitiv.
Statusi i plotë:
Kujdes, bonu i dëgjueshëm se të shkarkojmë!
Nëse në krye të një ndërmarrje publike, zgjedhësh pa mbështetje politike, por me konkurs i mbikëqyrur nga Ambasade Britanike, tregon performancë të shkëlqyeshme pas afër 3 vitesh. Pas, 20 vitesh paraqet bilanc pozitiv, lufton krimin e organizuar, eliminon keqperdorimet, eliminon nepotizmin, nuk punëson askënd dhe bordit ua prish kombinimet politike ruanu se ata të SHKARKOJNË.
Bordet politike nuk janë mësuar kështu! Ata duan të punësojnë të afërmit e tyre pa konkurs, duan që të shpenzojnë paren publike pa mbulesë të organizojnë workshope në Durrës pa nevojë, dhe nëse nuk je i dëgjueshëm të SHKARKOJNË. Sepse Aksionarët si pronarë legjitim nuk e mbrojnë pasurinë publike sipas detyrës fiduciare. Poshtu edhe anëtarët e bordit nuk bëjnë asgje dhe marrin kompensim të majmë, një shumë shumë më e lartë se rroga mesatare në vend. Anëtarët e bordit emërohen sipas preferences personale të aksionarëve pa asnjë përvojë paraprake dhe duke mos i plotësuar kushtet për drejtor të bordit. Emërojnë zyrtarët të lartë në mënyre kundërligjore pa i përmbushë kriteret e konkursit publik, e punësojnë familjarin dhe shokë të udhëheqësve të lartë, punësojnë shokë të vllaznive, shokë nga studime të cilët janë të dëgjueshëm dhe i rrespektojnë urdhërat nga lartë.
Kjo është Prishtina jonë e sotme. Pleqtë thojshin Kali para se me cofë fillon me qit shkelma. Kështu është edhe kjo udhëheqje e Prishtinës.
Jam i bindur se një ditë do të ngadhënjejë drejtësia dhe ata që shkelin ligjin do të përgjigjen para drejtësisë.