Shoqëria “mund të mos i mbijetojë” luftës së Putinit, thotë Soros
Pushtimi i Ukrainës nga ana e Rusisë mund të ketë shënuar nisjen e “Luftës së tretë botërore” dhe presidenti rus, Vladimir Putin duhet të mposhtet “sa më parë që të jetë e mundshme”, nëse bota do ta ruajë civilizimin.
Ky ka qenë mesazhi i miliarderit George Soros dhënë në Forumin Ekonomik Botëror, Davos 2022, transmeton KlanKosova.tv.
“Edhe kur të ketë mbaruar lufta, ashtu sikurse duhet përfundimisht, situata kurrë nuk do të kthehet aty ku ka qenë”, ka shtuar 91-vjeçari.
“Çështje të tjera që brengosin njerëzimin, luftimi i pandemive, ndryshimet klimatike, shmangia e luftërave bërthamore, mbajtja e institucioneve globale – është dashur të bien në vend të dytë ndaj asaj lufte. Prandaj them se civilizimi mund të mos mbijetojë”.
