Ditën e djeshme kryeqyteti i Libanit, Bejrut u godit nga një shpërthim i fuqishëm që mendohet se është si pasojë e kimikateve që gjendeshin në portin e qytetit.

Shpërthimi la të vdekur mbi 100 njerëz dhe mbi katër mijë të plagosur.

Qeveria Libaneze ka shpallur 3 ditë zije ndërsa  thuhet se shpërthimi ka arritur të shkatërrojë shtëpi deri në tre kilometra nga vendi ku ka ndodhur shpërthimi ndërsa zhurma është dëgjuar në më shumë se 200 kilometra nga Lebani, raporton AlJazeera, transmeton Klan Kosova.

“Porti i Bejrutit përfshin rreth 80% të importit në Leban, është arteria kryesore e ekonomisë, për ushqim, barna, gjithçka. Pra, dëmet janë masive në çdo sektor” thotë Mark Daou nga Universiteti Amerikan i Bejrutit.

Qeveria Libaneze u ka premtuar familjarëve të viktimave drejtësi për atë që ka ndodhur.

“Çka ka ndodhur sot nuk do të kalojë pa përgjegjësi.  Përgjegjësit do t’a paguajn çmimin për atë se çka ka ndodhur. Ky është një premtim për viktimat dhe të plagosurit”, ka thënë Kryeministri I Libanit, Hassan Diab.

Please take a minute or two to pray for our brothers & sisters at Beirut, Lebanon.There has been a massive explosion &the blast leave dozens dead & thousands injured.

Our prayers & thoughts are with them.#BeirutBlast #LebanonExplosion#PrayForLebanon https://t.co/jAqH7LNd0b

— .💐🧚‍♀️ (@Kaur_G_B) August 5, 2020