Shqipëria ia jep Kosovës ‘racionin’ tjetër të rrymës për sot, kjo është sasia
Korporata Energjetike e Kosovës ka njoftuar se nga Korporata Elektroenergjetike e Shqipërisë sot e kanë marrë ‘racionin’ tjetër të ditës me energji elektrike.
KEK njofton se “bashkëpunimi i mirë po vazhdon”, ndërsa thekson se kanë siguruar edhe 100 megavatë rrymë nga ora 1:00 deri në 22:00.
Në njoftimin e KEK-ut theksohet se energjia elektrike nga KESH-i po merret nga sasia e depozituar.
“Përkundër faktit se përgjegjësia për furnizimin e konsumatorëve universal (FSHU) sipas licencës është ekskluzivishtë e furnizuesit publikë, KEK falë edhe bashkëpunimit të ndërsjellë me KESH-in, nga sasia e depozituar (mbi 120.000 MW/h) e cila ishte paraparë t’i kthehet Kosovës gjatë sezonit dimërorë ka arritur të sigurojë energji elektrike për orë të caktuara (në kohë të pikut) kur konsumi vendor në Kosovë po shënon ngritje. Më saktësisht, KEK ditën e djeshme dt: 15.08.2022 nga KESH-i ka siguruar sasinë prej 100 MW/h duke filluar nga ora 14:00 deri në orën 24:00, (në total 1100 MW/h), ndërsa për sot dt: 16.08.2022, KEK po ashtu ka siguruar sasinë prej 100 MW/h nga ora 10:00 deri në orën 22:00. (në total 1200 MW/h)”, thuhet në njoftim.
KEK thotë se “ka bërë kërkesë tek KESH-i që bazuar në kapacitetet që kanë në dispozicion kjo gjendje të vazhdojë edhe në ditët në vijim, apo deri sa akterët përgjegjës t’i përmbushin obligimet e tyre sipas licencës”.
