Shtyhet bllokimi i llogarive bankare për tatimpaguesit që kanë obligime ndaj ATK
Kryeministri në detyrë, Avdullah Hoti, ka njoftuar se do të shtyhet bllokimi i llogarive bankare për tatimpaguesit që kanë obligime ndaj ATK deri më 30.04.2021.
Lexoni më poshtë njoftimin e plotë të Hotit;
Për të ndihmuar bizneset në tejkalimin e gjendjes së shkaktuar nga pandemia, Qeveria e Republikës së Kosovës ka marrë vendim që:
- Të shtyjë bllokimin e llogarive bankare për tatimpaguesit që kanë obligime ndaj ATK deri më 30.04.2021.
- Të shlyejë ndëshkimet për tatimpaguesit që kanë detyrime tatimore ndaj ATK nëse kryejnë pagesën e tatimit bazë dhe interesit deri më 30.06.2021.
E falënderoj Ministren e Financave për propozimin e këtij vendimi dhe kabinetin për mbështetjen e tij.