Shumë dhimbje: Identifikohen eshtrat e Nuredin Dvoranit, i zhdukur gjatë luftës në Kosovë

Shumë dhimbje: Identifikohen eshtrat e Nuredin Dvoranit, i zhdukur gjatë luftës në Kosovë

Janë gjetur eshtrat e Nuredin Dvoranit i cili ishte zhdukur dhunshëm nga lufta e fundit në Kosovë.

Komisioni Qeveritar për Persona të Zhdukur ka njoftuar se eshtrat e të ndjerit janë gjetur dhe zhvarrosur nga lokacioni i varrezës masive në Qirez, komuna e Skenderajt.

Ai do të rivarroset sot në fshatin Tërstenik të Komunës së Drenasit.

“Nuredin Dvorani, i zhdukur dhunshëm nga lufta e fundit, është identifikuar dhe do të rivarroset sot më 21 janar 2022, ora 14:00 në fshatin Tërstenik, Komuna e Drenasit. Nuredin Dvorani ishte në moshën 17 vjeçare kur ishte zhdukur dhunshëm nga forcat serbe më 30 prill 1999. Eshtrat e Nuredin Dvoranit janë gjetur dhe zhvarrosur nga lokacioni i varrezës masive në Qirez, Komuna e Skenderajt dhe tanimë janë identifikuar përmes analizës së ADN-së. Ndërsa sot me kërkesë të familjes do të rivarroset në fshatin Tërstenik, me përkrahjen e Komisionit Qeveritar për Persona të Zhdukur, Institutit të Mjekësisë Ligjore, shoqatat e familjarëve të personave të zhdukur dhe institucionet komunale”, thuhet në njoftimin e komisionit.

Shpërndaje në: