Si duhet të ushqeheni sipas shenjës së horoskopit; Muaji i lindjes përcakton dietën dhe problemet nga të cilat mund të vuani

Si duhet të ushqeheni sipas shenjës së horoskopit; Muaji i lindjes përcakton dietën dhe problemet nga të cilat mund të vuani

Dashi: Marsi është planeti drejtues i kësaj shenje. Pikat e dobëta të të lindurve nën shenjën e Dashit janë koka dhe truri. Ata janë njerëz aktivë me masë muskulore të zhvilluar, kanë natyrë sportive, metabolizëm të mirë, por kjo kërkon shumë energji. Pëlqejnë shumë mishin e kuq dhe mundësisht të pjekur, i duan shumë mezet dhe nga pijet alkoolike veçojnë verën e kuqe. Dieta e tyre duhet të jetë e pasur me grupin e vitaminave B, natrium, kalium, magnez si dhe kalcium, një mënyrë e të ushqyerit që përfshin të gjitha llojet e perimeve dhe të zarzavateve jeshile, fasule të thata, thjerrëza, mish të kuq, si dhe bukë të zezë. Nuk duhet të përdorin shumë karbohidrate, duhet të kufizojnë kripën dhe kafenë.

Demi : Planeti drejtues i shenjës së demit është Venusi. Pikat e dobëta të tyre janë laringu, veshët, kanë metabolizëm të ngadaltë. Edhe pse kanë strukturë skeletore të rregullt shëndoshen lehtësisht pas të 30-ve, veçanërisht në zonën e barkut. U pëlqen ushqimi i mirë dhe i pasur me karbohidrate, shijojnë ëmbëlsirat, por nuk duan të përtypen shumë. Për të pasur një siluetë të bukur, të lindurit e kësaj shenje duhet të zgjedhin të ushqehen me perime të freskëta që konsumohen të pagatuara. Në dietën e përditshme, për një shëndet të mirë, nuk duhet të mungojë qumështi dhe të paktën një herë në javë produktet e detit. Duhet të shmangin ushqimet me shumë yndyrë, veçanërisht të skuqurat dhe nuk duhet të pine duhan e alkool.

Binjakët: Planeti drejtues i binjakëve është Mërkuri. Pikat e dobëta janë mushkëritë, veshët dhe goja. Binjakët komunikojnë shumë, janë ekspresivë dhe si të tillë djegin energji. Fati i ndihmon shumë me siluetën elegante. Që të shëndoshen, duhet të abuzojnë shumë me ushqimin dhe kjo gjë mund të ndodhë vetëm në mosha të mëdha. Për një shëndet të mirë, në dietën e binjakëve nuk duhet të mungojnë ushqimet e pasura me vitaminë A, C, hekur dhe magnez. Duhet të konsumojnë shumë fruta me ngjyra të forta veçanërisht të kuqe, të verdha dhe portokalli dhe hudhrën, fiqtë dhe uthullën balsamike.

Gaforrja : Planeti drejtues i shenjës së gaforres është Hëna. Pikat e dobëta janë gjoksi dhe stomaku dhe shpesh kanë probleme me tensionin e ulët. Të lindurit e kësaj shenje duhet të kenë përparësi kujdesin ndaj stomakut. Shëndoshen lehtë në pjesën e poshtme të trupit, prandaj duhet të bëjnë kujdes me mënyrën e të ushqyerit. Duhet të konsumojnë ushqime të pasura me vitaminat B1, B2, B6 dhe fosfor. Dieta duhet të ketë patjetër perime të ziera me ngjyrë të errët, patate, oriz, bishtaja, bamje, speca dhe fruta të pjekura mirë. Mos pini lëngje me shumicë.

Luani : Planeti drejtues i shenjës së luanit është Dielli. Të lindurit e kësaj shenje jetojnë duke dëgjuar zemrën. Janë njerëz me muskulaturë e metabolizëm të mirë. Si të lindur në kulmin e verës, ata dinë të shijojnë ushqimin e mirë me shije të forta, të kripura dhe të ëmbla. Pikat e dobëta janë zemra dhe shtylla kurrizore, prandaj dieta duhet të jetë e pasur me proteina. Duhet të konsumojnë të gjitha llojet e perimeve dhe frutave me ngjyra të forta si: majdanozi, selinoja, rozmarina. Këto bëjnë mrekulli në trupin e të lindurve të kësaj shenje. Shmangni mishin, të skuqurat, ushqimet e konservuara dhe kripën e tepërt.

Virgjëresha: Planeti drejtues i shenjës së virgjëreshës është Mërkuri. Pikat e dobëta janë stomaku, për shkak të aciditetit të lartë dhe koliti, si pasojë e mënyrës jo të shëndetshme të të ushqyerit. Edhe pse kanë strukturë të rregullt, priren të shëndoshen në pjesën e poshtme të trupit. Për shëndet të mirë dhe peshë normale, duhet të konsumoni ushqime që rriten nën tokë dhe afër tokës si karotë, panxhar, rrepë, brokoli, lulelakër, rrënjë selinoje, spinaq, qepë, hudhra. Domosdoshmëri në dietën e përditshme duhet të jenë qumështi, vezët apo mishi i pulës. Shmangni ushqimet e thata, ushqimet e shpejta dhe ato të konservuara.

Peshorja : Planeti drejtues i shenjës së peshores është Venusi. Pika e dobët janë veshkat. Të lindurit e kësaj shenje duhet të kenë kujdes me kujtesën dhe diabetin. Nuk duhet të mungojnë në dietën e tyre javore: peshku, perimet e freskëta, pak karbohidrate, pak mish i kuq, pak mish pule dhe shumë ujë gjatë ditës. Duhet të jenë shumë të kujdesshëm me sasinë e kripës, shmangni vezët, gjalpin dhe alkoolin, edhe pse ju shijon (veçanërisht meshkujve).

Akrepi: Planeti drejtues i shenjës së akrepit është Plutoni. Pika e dobët janë organet riprodhuese. Të lindurit e kësaj shenje kanë strukturë të mirë dhe siluetë të hollë. Ata janë energjikë dhe metabolizmi është pikë e fortë e akrepit. Ushqehen në varësi të humorit të tyre. Për një shëndet të mirë, dieta duhet të jetë e pasur me perime dhe fruta të freskëta, veçanërisht me fruta ekzotike. Duhet të zgjedhin ushqime që përmbajnë vitaminë A, C, kalcium dhe hekur dhe të konsumojnë shumë ujë. Shmangni hudhrat dhe pijet alkoolike.

Shigjetari : Planeti drejtues i shenjës së shigjetarit është Jupiteri. Të lindurit e kësaj shenje janë të shkathët, aktivë, pëlqejnë sportet ekstreme, janë udhëtarë filozofikë. Pikat e dobëta janë këmbët dhe kontrolli i hipofizës. Shijojnë më tepër se ç’duhet alkoolin (sidomos meshkujt) duke e kthyer kështu mëlçinë në pikë të dobët. Ata kanë metabolizëm shumë të mirë. Në rastet që një shigjetar ka problem me linjat, kjo është vetëm pasojë e abuzimit me sasinë e ushqimit. Duhet të konsumojnë lakra të egra mali, lakër të bardhë, të kuqe, panxhar, selino, patate, fruta pylli, sardele, mish kafshësh dhe shpendësh të egra. Duhet të shmangin konsumin e alkoolit dhe të mbajnë nën kontroll sasinë e kripës.

Bricjapi: Planeti drejtues i shenjës së bricjapit është Saturni. Pika e dobët është struktura skeletore, veçanërisht gjunjët. Të lindurit e kësaj shenje kanë skelet të plotë, jo shumë elegant, prandaj duhet të bëjnë shumë kujdes me ushqimin. Dieta duhet të jetë e pasur me kalcium, vitaminë D dhe omega 3, i cili gjendet te frutat dhe te perimet e freskëta, veçanërisht ato të stinës së dimrit. Duhet të konsumojnë mish të kuq të pjekur mirë, qumësht dhe nënproduktet e tij, qepë, hudhra, radhiqe, majdanoz, shumë ujë dhe çaj. Duhet të shmangin ushqimet e konservuara, frutat e thata, mishin e derrit, të kufizojnë sasinë e bukës dhe të kripës.

Ujori: Planeti drejtues i shenjës së ujorit është Urani.

Pikat e dobëta janë sistemi nervor dhe sytë. Këta njerëz ndjekin dietat drastike, prandaj duken gjithmonë në formë të mirë. Ata duhet të jenë të kujdesshëm, sepse periudhat e dietës i bëjnë nervozë dhe i lodhin shumë. Përgjithësisht të lindurit e kësaj shenje ushqehen në mënyrë të çrregullt. Ushqimet që konsumojnë duhet të jenë të pasura me vitaminë A, që gjendet te perimet me ngjyrë të errët. Duhet të konsumojnë vezë dhe nënprodukte të freskëta të qumështit, veçanërisht gjalpin dhe djathin. Duhet të shmangin ëmbëlsirat dhe të mos pinë shumë lëngje.

Peshqit: Planeti drejtues i tyre është Neptuni, por ata janë të dashuruar pas Jupiterit. Pikat e dobëta janë hormonet dhe sistemi nervor. Struktura e tyre është zakonisht e imët. Ata shëndoshen vetëm në rast se abuzojnë me ushqimin. Përgjithësisht këtë e bëjnë në periudha dobësie emocionale ose nëse janë në fazë melankolie apo depresioni. Peshqit duhet të ushqehen me produkte që janë të pasura me proteina shtazore, natrium, kalcium dhe vitaminë D, të cilat gjenden te mishi i kuq, peshku dhe perimet e frutat e freskëta. Duhet të pinë shumë ujë dhe çaj bimor, ndërsa duhet të shmangin brumërat, ëmbëlsirat, ushqimet e konservuara, alkoolin, duhanin apo çdo gjë tjetër që shkakton varësi.

Shpërndaje në: