Si t’i mbrojmë xhamat nga ngrirja?

Gjatë këtyre muajve të ftohtë, shkaku i temperaturave të ulëta, xhamat e automjetit tuaj mund të ngrihen. Por ekzistojnë disa gjëra që mund t’i bëni për ta shmangur këtë gjë.

Periskopi.com Tech & Auto

Opsioni më i thjeshtë është përdorimi i ndonjë mbuloje për xhama. Por, nëse nuk keni të tillë, mund të përdorni ndonjë qebe.

Përveç kësaj ekzistojnë edhe masa tjera parandaluese që mund t’i ndërmerrni.

Spreji nga uthulla

Përziejeni një lëng që përbëhet nga tri të katërtat uthull dhe një e katërta ujë.

Me këtë kombinim mbusheni një shishe, e cila posedon një spërkatëse dhe gjatë temperaturave të ulëta për çdo natë spërkatni xhamat e automjetit tuaj.

Përdorni alkool

Tretësira me alkool po ashtu mund të parandalojë ngrirjen e xhamave.

Përziejeni alkoolin me ujë në përpjestim 2 me 1, dhe më këtë përzierje spërkatni xhamat.

Uji i njelmët

Nëse nuk keni uthull apo alkool, mund të krej punë edhe kripa.

Përziejeni ujin me kripë dhe spërkatni në xhama.

Të tri përzierjet e cekura më lartë do të jenë efikase sepse ato ngrihen në temperatura shumë më të ulëta se sa uji.

Cka duhet shmangur?

Kurrë mos përdorni ujë të nxehtë, sepse xhami i shofershajbnes është i ndjeshëm në ndryshimet e përnjëhershme të temperaturës.

Uji i nxehtë, i kombinuar me presionin mbi xham derisa gërryhet akulli mund të shkaktojë thyerjen e xhamit.

Me çka i mbroni ju xhamat tuaj nga ngrirja?