Skenari se si mund të ‘shpëtojë’ Drita dhe të zhvillohet ndeshja finale ndaj Linfieldit

Periskopi.com Sporti

Është anuluar ndeshja finale e fazës parakualifikuese në Ligën e Kampionëve, mes Dritës dhe Linfieldit, e paraparë të zhvillohet sonte nga ora 18:00.

Ky vendim është marrë nga autoritet zvicerane së bashku me UEFA’n, pasi që te kampionia e Kosovës së fundmi është regjistruar edhe një rast pozitiv me koronavirus.

Mbetet të shihet në vazhdim se cili do të jetë vendimi nga Komsioni Disiplinor i UEFA’s, megjithatë ka shpresë që kjo ndeshje të zhvillohet.

Sipas rregullores së publikuar nga UEFA, pas rikthimit të futbollit nga pauza e gjatë shkaku i pandemisë, thuhet se kjo ndeshje duhet të luhet më së largu të premten, me kush që testet e reja te Drita të rezultojnë negative.

Gjithashtu, thuhet se Drita duhet të këtë në përbërje së paku 13 futbollistë (përfshirë një portier) për të mundësuar zhvillimin e ndeshjes.

Nëse nuk ndodhë kjo, atëherë Drita do ta humbasë ndeshjen me rezultat zyrtar 3-0 dhe Linfield do kualifikohet tutje.

Shpërndaje në: