Stoltenberg pas takimit me Kurtin: Folëm mbi situatën e sigurisë në Kosovë dhe rajon
Sekretari i NATO-s, Jens Stoltenberg, ka takuar kryeministrin e vendit, Albin Kurti, na ambientet e Qeverisë së Kosovës.
Takimi i tyre vie, pasi shefi i NATO-s pati takim dhe një adresim për media me presidenten, Vjosa Osmani.
Numri një i Aleancës Paqeruajtëse, thotë se në takimin me kryeministrin Kurti, diskutuan për situatën e sigurisë në Kosovë dhe rajon.
Ai u shpreh në platformën X, se NATO do vazhdojë të bëjë atë që është e nevojshme për të ruajtur një mjedis të sigurt mbi të gjitha komunitetet.
Të njëjtën temë, e ka trajtuar edhe në takimin me presidenten, Osmani.
Good talks with @VjosaOsmaniPRKS & @albinkurti on the security situation in #Kosovo & the region. #NATO will continue do what’s necessary to maintain a safe & secure environment for all communities – I thanked @NATO_KFOR troops for their key role in preserving regional stability. pic.twitter.com/b9NCVocHxK
— Jens Stoltenberg (@jensstoltenberg) November 20, 2023
