Sulmi në lokalin ku rrinin LGBTI në Oslo, Kurti: Zemërthyer për të parë këtë masakër
Kryeministri i Republikës së Kosovës, Albin Kurti, ka dënuar sulmin e mbrëmshëm në Oslo të Norvegjisë, ku dy persona kanë vdekur dhe 14 të tjerë u plagosen.
Kurti e ka konsideruar sulmin si “masakër” dhe ka thënë se Kosova qëndron me Norvegjinë.
“Zemërthyer për të parë masakrën në Oslo. Urimet tona më të mira për të lënduarit dhe ngushëllimet më të thella për familjet dhe miqtë e të vrarëve. Lufta kundër urrejtjes dhe për kohezionin social është një përgjegjësi që të gjithë e ndajmë – ne qëndrojmë me Norvegjinë” ka shkruar Kurti në Twitter.
Të shtënat u dëgjuan rreth orës 23:00 në tre lokacione në lokal “London Pub” i njohur si vendtakim për homoseksualët, pranë një klubi të xhazit “Herr Nilsen” dhe një tjetër lokali me ushqim që funksionon me shërbim “merr me vete”.
Një i dyshuar është arrestuar dhe janë sekuestruar dy armë.
Policia tha se është duke trajtuar rastin si një sulm terrorist.
Mediat norvegjeze raportojnë se tashmë është anuluar edhe parada vjetore e krenarisë, e cila ishte planifikuar të mbahej të shtunën.
Heartbroken to see the carnage in Oslo. Our best wishes for the injured and deepest condolences to the families and friends of those killed. The fight against hate and for social cohesion is a responsibility we all share – we stand with ??.
— Albin Kurti (@albinkurti) June 25, 2022