Veseli takohet me kosovarin që ka hyrë në librin e ‘Guinness’

Periskopi.com Lajme

Kryetari i PDK-së, Kadri Veseli gjatë ditës së sotshme ka takuar sportistin e njohur, Agim Agushi.

Agushi njihet si rekordmen që ka thyer katër rekorde ‘Guinness’.

Veseli përmes një postimi në Facebook ka thënë se sportistët si ASgimi janë ambasadorët më të mirë të vendit.

Për më shumë lexojeni postimin e tij:

Kam pasur një takim të këndshëm me zhongluesin e mirënjohur Agim Agushi nga Vitia, i cili muajin e kaluar theu rekordin e katërt Guinness. Në një hapësirë prej 1 metër katror, ai veshi dhe zhveshi maicën 152 herë, për 1 orë, 2 minuta e 56 sekonda, ndërkohë që mbajti topin në ajër duke e goditur me kokë.

Me mjeshtërinë e tij të rrallë ai ka tërhequr vëmendjen e mediave ndërkombëtare duke promovuar kështu njëherazi edhe emrin e Kosovës. Sportistë si Agimi dhe shumë të tjerë të talentuar që i ka Kosova, janë ndër ambasadorët më të mirë të imazhit të vendit tonë. Prandaj do vazhdojmë t’iu japim përkrahje edhe më të madhe në të ardhmen.