KDI: Joserioziteti i deputetëve bëri që Kuvendi të përmbushë veç 20 % të agjendës legjislative

Periskopi.com Lajme

Mungesa e deputetëve nëpër seanca plenare ka bërë që vetëm 28 ligje t’i miratojë institucioni më i lartë legjislativ, i cili brenda pak ditësh do të shpërndahet.

Por edhe kjo legjislaturë do të mbahet mend për mosseriozitet nga ana e atyre që përfaqësojnë interesat e qytetarëve në Kuvend, raporton KTV.

Organizata e cila monitoron punën e Kuvendit, thotë se ky i fundit, deri më tani, ka arritur ta përmbushë agjendën legjislative vetëm 20 %.

Mungesa e kuorumit del të jetë problemi më i madh i kësaj legjislature. Derisa, me shpërndarjen e Kuvendit, ligjet që janë në procedurë pritet të kthehen në pikën zero.

Sa i përket performancës së deputetëve, del se deputetët më aktivë në pyetje dhe thirrje të interpelancave ishin ata të opozitës.

Më 22 gusht, Kuvendi i Kosovës do të mbajë seancën e fundit për këtë mandat, ku do të bëhet shpërndarja e legjislaturës së 6-të.

Para shpërndarjes, pritet të votohet fondi i IPA-së, që Kosovës pritet t’ia sjellë rreth 100 mijë euro.

 

 

 

Çfarë agjende ka Samiti i Poznanit në Poloni në të cilin tani po shpreson Haradinaj?

Periskopi.com Lajme

Samiti i Ballkanit Perëndimor i cili do të mbahet më datat 4 dhe 5 korrik në Poznan të Polonisë në agjendën e tij ka ekonomiminë,shoqërinë civile me fokus në rini, kulturë e siguri.

Pas dështimit të Samitit të Parisit, ky është samiti për të cilin kryeministri i vendit Ramush Haradinaj foli gjatë konferencës për medie, shkruan Periskopi.

Por, në në agjendën e Samitit të Poznanit nuk planifikohet ndonjë diskutim që ka të bëj vetëm me Kosovën, aq më pak dialogun mes Kosovës dhe Serbisë.

Në këtë Samit do të marrin pjesë shefat e qeverisë, ministrat e jashtëm dhe ministrat e ekonomisë nga Shqipëria, Bosnja dhe Hercegovina, Kosova, Maqedonia e Veriut, Mali i Zi dhe Serbia, si dhe dy shtete anëtare të BE-së nga rajoni – Kroacia dhe Sllovenia.

Takimi i cili do të zhvillohet gjatë dy ditëve është planifikuar që në ditën e parë të takohen ministrat e ekonomisë, ministrat e brendshëm dhe ata të punëve të jashtme, ndërsa në ditën e dytë të Samitit planifikohen të marrin pjesë ryetarët dhe kryeministrat e shteteve pjesëmarrëse.

Haradinaj tha se do të marr pjesë në Samitin e Poznanit, në Poloni pas dështimit të Samitit të Parisit.

“Me 5 korrik do të jetë Samiti i Poznanit ku do të jemi. Pra shumë shtirë me i mbajt tri ngjarje në këtë dinamikë, por ka edhe arsye tjera”, ka thënë Haradinaj në një konferencë për media.

Ai ka thënë se Kosova është e gatshme të rikthehet në dialog, kur Serbia të jetë e gatshme për njohje të ndërsjellë pasi që kjo është tema e vetme që ka mbetur për t’u sqaruar.

Kjo ishte deklarata e tij, por pa e përmendur se Samiti i Poznanit nuk kishte të bënte asgjë me diskutimet që ishin planifikuar të bëheshin në Samitin e Parisit, i cili u konfirmua se është shtyer për afat të pacaktuar. /Periskopi

 

Analistët për Periskopin: Lajmet negative nga Brukseli, pasojë e politikanëve që po merren veç me veten

Periskopi.com Lajme

Këshilli i Ministrave të Bashkimit Evropianë, në draft-raportin e tyre ka kritikuar ashpër Qeverinë Haradinaj në disa pika, shkruan Periskopi.

Kritikat e Këshillit të Ministrave janë të ashpra për taksën ndaj produkteve me origjinë nga Serbia dhe Bosnja e Hercegovina, për punësimet e njerëzve me precedentë penalë (dhe të dënuarit për krime lufte), për mos themelimin e Asociacionit, për hapjen e Urës së Mitrovicës, dhe për mënyrën si po trajtohet Gjykata Speciale.  Sa për vizat, Këshilli i Ministrave jep sinjale negative. Thotë se ‘është duke e shqyrtuar këtë…’

Artan Murati nga KDI për Periskopin ka thënë se politikanët në Kosovë nuk e marrin seriozisht agjendën e BE-së dhe se deklaratat janë vetëm për konsum të brendshëm.

“Premtimet për liberalizim të vizave asnjëherë nuk janë adresuar nga Brukseli, por nga politika vendore. Ky qëndrim i Këshillit e dëshmon se politikanët në Kosovë nuk e marrin seriozisht BE-në dhe agjendën evropiane, dhe deklaratat e tyre janë të motivuara për përdorim të brendshëm”, ka thënë ai.

Ai po ashtu ka thënë se qëndrimet e Këshillit të Ministrave janë të njohura, për të gjitha proceset.

“Qëndrimet e Këshillit, ku përfaqësohen shtetet anëtare, janë të njohura, edhe për taksën, edhe për vizat, edhe për rrugëtimin e Kosovës drejt BE-së. Thjeshtë, nuk është bërë progres i nevojshëm, i kërkuar nga BE, për të procedura më tutje”, u shpreh Murati

Ndërsa, profesori universitar, Rrahman Paçarizi thotë se taksa nuk duhet të lidhet me vendimin e vizave dhe se Kosova nuk duhet ta pranoj një kusht të tillë

“Vendimi për vizat nuk është përmendur në kontekst të heqjes ose jo të taksës. Domethënë raporti nuk i lidh këto dy çështje por në raport ka kritika për veprime të tjera. Taksa nuk guxon të lidhet me vendimin për liberalizimin – Kosova nuk duhet ta pranojë një kusht të tillë”, tha ai për Periskopin.

Sipas Paçarizit taksa ka qenë një veprim i gabuar dhe i pamenduar që u ka kushtuar qytetarëve të Kosovës, duke i bartur pasojat e taksës përmes rritjes së çmimit të produkteve të konsumit të përditshëm.

Ai, gjithashtu ka komentuar një pikë të këtij draft – raportin në të cilin kritikohet mos implementimi i Asociacionit duke thënë se nuk duhet të zbatohet marrëveshja përderisa nuk është zbatuar asnjë marrëveshje e Brukselit.

“Kritikat janë goxha mirë të bazuara sidomos ato për zbatimin e ligjit, punësimet etj. Sa i përket asociacionit Kosova e ka një vendim të Gjykatës Kushtetuese që duhet ta zbatojë me përpikëri. Në anën tjetër nuk ka nevojë të zbatohet marrëveshja për asociacionin përderisa asnjë marrëveshje tjetër e asaj pakoje të Brukselit nuk është zbatuar”, ka thënë Paçarizi për Periskopi.

 

 

Jahjaga shpalos agjendën për shënimin e ditës së çlirimit të Kosovës – Iniciativë e katër presidentëve

Periskopi.com Lajme

Ish-presidentja Atifete Jahjaga sot përmes një konference për media, si udhëheqëse e këshillit organizativ për shënimin e përvjetorit të lirisë së Kosovës, ka treguar për agjendën e datës 12 qershor, ku parashihen shumë aktivitete, raporton Periskopi.

Jahjaga ka treguar se tashmë është konfirmuar ardhja e miqve të mëdhenj të Kosovës, ish-presidentit Bill Cllinton dhe ish-sekretares së shtetit, Madeline Albright. Po ashtu, ajo tregon se të ftuar do të jenë edhe miq të tjerë e personalitete politike nga vendi e rajoni.

Jahjaga ka ftuar qytetarët që të bëhen pjesë e këtij organizimi, duke shpalosur edhe agjendën për atë ditë.

”Ftojmë të jenë të pranishëm edhe qytetarët e Kosovës, bashkërisht të fesojmë me miqtë tanë. Në orën 11:00 do të nis tubimi qendror në sheshin Skënderbeu. Nga ora 14:00 do të jetë ecja për lirinë, nga sheshi Skënderbeu, deri tek busti i sekretares Albright, i cili edhe do të përurohet. Pastaj për të vazhuar afër shtatores së Bill Cllinton. Është e rëndësishme ta shënojmë me gjithë qytetarët. Në orën 17:oo, do të jetë konferenca ndërkombëtare e sigurisë’’, ka treguar Jahjaga.

Jahjaga tregon se ideja rreth këtij organizimi kishte qenë e një ish-këshilltarje të saj, e që ishte projektuar pastaj nga një ekip i saj. Jahjaga sqaron se është vendosur që të thirret si iniciativë e katër presidentëve të Republikës së Kosovës.

‘’Projekti u idea, nga një ish këshilltare imja dhe është projetuar nga ekipi im këto dy vite. Unë kam propozuar që ta thirrim si iniciativë të katër presidentëve të Republikës së Kosovës. Përtej ndasive politike.’’/PERISKOPI/

https://www.facebook.com/981226585245257/videos/542234209642058/

 

.

Haradinaj e konfirmon: Në Samitin e Parisit marrin pjesë edhe Ahmeti e Limaj

Periskopi.com Lajme

Kryeministri i Kosovës, Ramush Haradinaj ka folur për takim e Parisit i cili do të mbahet më 1 korrik.

Haradinaj tha se ka kërkuar nga presidenti Macron që delegacioni i Kosovës të ketë më shumë persona, ku konfirmoi se në Paris do të shkojnë edhe Fatmir Limaj dhe Shpend Ahmeti.

Sipas tij në këtë takim do të marrin pjesë Kosova e Serbia me delegacionet e tyre, ndërsa derio më tani tha nuk ka dijeni nëse do të ketë edhe të ftuar të tjerë.

Haradinaj tha se takimi I Parisit është testi kryesor ku do të shihet se a do të ketë njohje nga shteti serb.

“Aty do të shihen edhe aspekte të tjera tregtia, anëtarësimi në BE dëmet e luftës Aociacioni I Komunave serbe. Ata kanë me pa se Buçiq nëse vazhdon me këtë retorikë nuk është gati për marrëveshje. Nëse Thaçi dhe Vuçiq vazhdojnë me këto retorika ka me u pa në Paris që nuk ka interesim për marrëveshje”, u shpreh Haradinaj.

Kjo është agjenda e Kombëtares së Kosovës për ndeshjen kundër Bullgarisë

Periskopi.com Sporti

Pas barazimit 2:2 në miqësoren kundër Danimarkës në mbrëmjen e kaluar, futbollistët e Kombëtares tonë kanë zbritur sërish sot në mesditë në fushë për stërvitje në kuadër të përgatitjeve për ndeshjen kualifikuese kundër Bullgarisë, që zhvillohet të hënën në orën 20:45 në stadiumin “Fadil Vokrri”.

Agjenda për ndeshjen Kosovë – Bullgari

23 mars

16:30 – Stërvitja e Kosovës

24mars 

17:30 Konferenca e Kombëtares së Kosovës

18:00 Stërvitja e Kosovës

19:00 Konferenca e Kombëtares së Bullgarisë

19:30 Stërvitja e Kombëtares së Bullgarisë

25 mars

20:45 Ndeshja kualifikuese për Euro 2020, Kosovë – Bullgari.

Kosova sot 11-vjet shtet

Periskopi.com Lajme

Sot Republika e Kosovës shënon 11-vjetorine e Pavarësisë.

Kosova është shpallur shteti pavarur më 17 shkurt 2018 nga Kuvendi i Republikës së Kosovës, gjatë një seance solemne, ku deklaratën e pavarësisë e lexoi ish-kryeministri, Hashim Thaçi.

Deklarata e Pavarësisë u miratua nga 109 deputetë të Kuvendit të Republikës, ku munguan vetëm deputetët e komunitete serb.

Në shënimin e kësaj dite, sot janë paraparë të mbahen disa aktivitete shtetërore:

08:00- 08:30

Mbledhja festive e Qeverisë

Vendi: Objekti i Qeverisë

08:30 – 08:45

Ngritja solemne e Flamurit të Republikës së Kosovës

Të pranishëm liderët shtetëror

Vendi:  Oborri i  Qeverisë

08:45 – 09:00

Vendosje kurorash tek shtatorja e ish Presidentit

Dr. Ibrahim Rugova

Nga liderët shtetëror

Vendi: Sheshi “Ibrahim Rugova”

09:40 – 09:50

Vendosja e kurorave në kompleksin

“Adem Jashari”  në Prekaz

Nga liderët shtetëror

10:45 – 11:30

Seanca Solemne e Kuvendit të Republikës së Kosovës

Vendi: Objekti i Kuvendit

12:20 – 13:00

Parakalimi i Trupave të Forcës së Sigurisë së Kosovës

Prej Sheshit “Nënë Tereza” deri te Sheshi “Ibrahim Rugova”

13:00 – 14:00

Koktej rasti për të gjithë të ftuarit në Parakalimin e Trupave të FSK

Vendi:  Sëiss Diamond Hotel

19:30

Pritja shtetërore për të gjithë të ftuarit (PA MEDIA)

Pritja shtetërore nën përkujdesjen Kryeministrit të  Republikës së Kosovës

Sh.T. Ramush HARADINAJ

Vendi: “VENUS” Hotel

 

Agjenda e aktiviteteve për 11-vjetorin e Pavarësisë

Periskopi.com Lajme

Në Kosovë nesër shënohet 11 vjetori i shpalljes së Pavarësisë.

Për këtë ditë janë paraparë aktivitete të ndryshme, duke filluar nga ora 08:00 e mëngjesit.

Në mëngjes do të mblidhet Qeveria, e cila do të mbajë mbledhje festive për nder të 11 vjetorit të Pavarësisë.

Pas gjysmë orë, bëhet ngritja solemne e Flamurit, ku do të marrë pjesë Presidenti Thaci, kryeparlamentari Kadri Veseli dhe kryeministri Ramush Haradinaj.

Pastaj, të tre liderët politik do të vendosin kurora lulesh në Kompleksin Memorial ‘Adem Jashari’ në Prekaz.

Në ora 10:45, Kuvendi do të mbajë seancë solemne për nder të kësaj ditë të vecantë, ndërsa në ora 12:20, Trupat e FSK-së do të parakalojnë prej sheshit “Nënë Tereza” deri të sheshi “Ibrahim Rugova”.

Për të festuar këtë ditë, edhe një delegacion i huaj do të jetë në Kosovë.

Kështu, Kryeministri Haradinaj do të pres në ora 15:00 një delegacion 17-anëtarësh nga Shtetet e Bashkuara të Amerikës, të kryesuar nga Senatori James Inhofe.

Ndërsa, në mbrëmjë, përkatësisht ora 18:30 do të bëhet ndezja e organizuara e fishekzjarrëve në sheshin “Zahir Pajaziti”.

Për shkak se edhe ky përvjetor e gjenë vendin e izoluar, përfaqësues të organizatave studentore do të organizojnë një protestë artistike.

Kjo për të shfaqur paknaqësitë në lidhje me vonesën e liberalizimit për qytetarët e Kosovës.

Protesta mbahet në kryeqytet në ora 13:00.

Ndërsa, aktivitete të ndryshme do të mbahen edhe nëpër komuna.

 

Publikohet agjenda zyrtare e festimit të 11 vjetorit të pavarësisë së Kosovës

Periskopi.com Lajme

Në njëmbëdhjetë vjetorin e Pavarësisë së Kosovës, institucionet shtetërore kanë organizuar një varg manifestimesh.

Ato sipas agjendës zyrtare do të fillojnë me datën 16 shkurt për të vazhduar deri me datën 17 shkurt.

Ndër manifestimet kryesore për shënimin e 11-vjetorit të shpalljes së pavarësisë do të përfshijnë:

Nisjen e Deklaratës së Pavarësisë nga objekti i Qeverisë në 7 qendrat kryesore të Kosovës.

Vendosjen e punimeve artistike “Simbolet e Pavarësisë”, në sheshin Skënderbeu.

Hapjen e panairit të produkteve vendore. Vendosja e flamurit shtetëror në rrethet kryesore të kryeqytetit.

Më poshtë gjeni agjendën e plotë për ditët festive, 16 dhe 17 shkurtin:

Programi për shënimin e njëmbëdhjetë vjetorit të Pavarësisë së Kosovës

E shtunë, 16 shkurt 2019 09:00

Deklarata e Pavarësisë

Nisja e Deklaratës së Pavarësisë nga Objekti i Qeverisë së Republikës së Kosovës, për në 7 qendrat kryesore të Republikës së Kosovës: Prishtinë, Mitrovicë, Pejë, Prizren, Gjilan, Gjakovë, Ferizaj

Shënim: Nisja e Deklaratave përcjellët në mënyrë ceremoniale nga Garda Shtetërore, ku edhe do të ketë mbulim medial. Shoqërimi deri në komunat respektive do të kryhet nga një patrullë e Policisë së Kosovës dhe nga një zyrtar përgjegjës i secilës komunë, i cili do të jetë përgjegjës për vendosjen e Deklaratës së Pavarësisë në sheshin kryesor të qytetit përkatës deri në datën 18 shkurt në orën 17:00, kur Deklarata do të vendoset në objektin e komunës përkatëse.

Brendimi i vendit ku bëhet ekspozimi në sheshet e 7 qendrave bëhet nga Kompania e kontraktuar nga ZKM.

Vendosja e punimeve artistike “Simbolet e Pavarësisë” në Sheshin Skënderbeu (në mes të bustit të Skënderbeu dhe grilave të Qeverisë)

Hapja e Panairit të produkteve vendore; tregu i fundvitit në sheshin “Adem Jashari” do të adaptohet në tregun e Pavarësisë (brendim i tendës së gjatë me logo të 11 vjetorit)

Shënim: Punimet artistike “Simbolet e Pavarësisë” dhe Panairi me produkte vendore do të qëndrojnë të hapura në sheshe, nga data 15 shkurt 2019 në mbrëmje deri në datën 18 shkurt 2019 në mbrëmje.

Aktivitete të tjera më 16 shkurt 2019:

Vendosja e Flamurit Shtetëror në rrethet kryesore te kryeqytetit: a) Rrethi në hyrje të Prishtinës (Tek Ismeti)

Tek hyrja e FSK-së

Tek hyrja e Spitalit (Banesat e Arabëve) d) Tek Rruga B (para Maxi 24)

Shtizat dhe flamujt do të vendosen në dimensione te njëjta dhe do të kenë ndriçim permanent.

E diel, 17 shkurt 2019

08:00 – 08:30 Mbledhja festive e Qeverisë

Shënim: I tërë kabineti Qeveritar do të jetë prezent.

08:30 – 08:45

Ngritja solemne e Flamurit të Republikës së Kosovës me pjesëmarrjen e

Presidentit, Kryetarit të Kuvendit, Kryeministrit dhe Komandantit të FSK-së.

Shënim: Do të vendoset një shtyllë e re në lartësinë 10 m, në mes të ndërtesës së Kuvendit dhe Qeverisë me ndriçim permanent, për vendosjen e flamurit shtetëror i cili do të qëndrojë aty tërë kohën.

Flamuri ngritët nën intonimin e himnit shtetëror nga Bendi Frymor i Forcës së Sigurisë së Kosovës me nderim nga një togë i reduktuar i Gardës Ceremoniale të FSK-së.

08:45 – 09:00

Vendosje kurorash tek shtatorja e ish Presidentit, Dr. Ibrahim Rugova me pjesëmarrjen e Presidentit, Kryetarit të Kuvendit dhe Kryeministrit

Shënim: Për vendosjen e kurorave është e nevojshme prezenca e gjashtë (6) pjesëtarëve të Gardës, të cilët në formë paralele do të pozicionohen disa metra larg shtatores. Tre liderët pozicionohen disa metra mbrapa Gardës. Garda vazhdon deri tek Shtatorja në mënyrë paralele, vendosin kurorat në mbajtëset e kurorave para shtatores dhe pastaj pozicionohen anash kurorave. Liderët vazhdojnë drejtë kurorave, derisa Garda nderon. Liderët pas rregullimin të kurorës, kthehen dy hapa mbrapa dhe nderojnë.

09:00 – 09:40

Nisja e përbashkët e Presidentit, Kryetarit të Kuvendit, Kryeministrit dhe Komandantit të FSK-së

Shënim: Nisja do të bëhet nga hyrja e Qeverisë për në Kompleksin Memorial Adem Jashari në Prekaz.

09:40 – 09:50

Vendosja ceremoniale e kurorave nga Presidenti, Kryetari i Kuvendit, Kryeministri dhe Gjenerallejtënant Rrahman Rama

Shënim: Për vendosjen e kurorave është e nevojshme prezenca e tetë (8) pjesëtarëve të Gardës, të cilët në formë paralele do të pozicionohen disa metra larg varrezave. Tre liderët dhe Komandati i FSK-së pozicionohen disa metra mbrapa Gardës. Garda vazhdon deri tek varrezat në mënyrë paralele, vendosin kurorat në mbajtëset e kurorave para varrezave dhe pastaj pozicionohen anash kurorave. Liderët vazhdojnë drejtë kurorave, derisa Garda nderon. Liderët pas rregullimin të kurorës, kthehen dy hapa mbrapa dhe nderojnë. Kthimi i liderëve shtetëror nga Prekazi për në Kuvendin Republikës së Kosovës bëhet në mënyrë të organizuar.

(Vini re: Kurorat do të jenë të pozicionuara në mes të Kompleksit memorial)

Shënim: 10:00 – 11:00 – Aktivitet Paralel – I-star Kids do të performojnë në Sheshin Skënderbeu. I tërë ky aktivitet do të menaxhohet nga Teuta Krasniqi.

10:30 – 10:45

Pritje në hollin e Kuvendit para se të fillojë seanca solemne

10:45 – 11:30

Seanca Solemne e Kuvendit të Republikës së Kosovës (Kuvendi i Kosovës)

Fjalë rasti: Presidenti, Kryetari i Kuvendit dhe Kryeministri (TBC)

Shënim: Të ftuar Kori Diplomatik dhe Lista e mysafirëve vendor dhe ndërkombëtar. Dy pjesëtarëve të Gardës do të jenë të pranishëm tek shkallët e hollit të Kuvendit.

12:20 – 13:00

Parakalimi i Trupave të Forcës së Sigurisë̈ së Kosovë.

Këshilli i Sigurimit të OKB’së në shkurt diskuton për Kosovën

Periskopi.com Lajme

Mbledhja e ardhshme e Këshillit të Sigurimit të OKB-së do të mbahet në shkurt, ku në agjendë është futur edhe Kosova

Një gjë të tillë e ka bërë të ditur, ministri i Jashtëm serb, Ivica Daçiq dukë thënë se udhëheqësi i kësaj mbledhje i cili vie nga Guinea Ekuatoriale e ka futur Kosovën në agjendë.

“Guinea Ekuatoriale e ka vënë Kosovën në rendin e ditës të KS-OKB, pa marrë parasysh se SHBA-ja dhe Britania e Madhe e kanë kundërshtuar fuqishëm këtë. Në diskutimet e mëtejshme pritet të shihet nëse ata do të kërkojnë votim”, ka thënë Daçiq.

Kujtojmë se seanca e kaluar e Këshillit të Sigurimit të OKB-së, u përcoll me përplasje mes presidentit të Kosovës Hashim Thaçit dhe atij serb Aleksandër Vuçiq, rreth vendimit të Kuvendit të Kosovës për formimin e Ushtrisë.

Debate pati edhe për çështjen e Interpolit dhe taksën 100% që Qeveria e Kosovës kishte vendosur për mallrat që importohen nga Serbia dhe Bosnja Hercegovina.

 

Takimet në New York veç sa për fotografi, pa agjendë diplomatike

Periskopi.com Lajme

Delegacioni kosovar i cili është duke qëndruar në Shtetet të Bashkuara të Amerikës (SHBA), ka shkuar pa një qëndrim unik rreth çështjes më të rëndësishme aktuale të Kosovës, dialogun me Serbinë. Gjithashtu këto takime po kthehen më shumë në qëllime për postime fotografish në rrjetet sociale për konsum të brendshëm ditor.

Kështu ka vlerësuar në një prononcim për Telegrafin, Jeta Krasniqi nga KDI e cila thekson se diplomacia kosovare duhet të ndërtojë një strategji të mirëfilltë të lobimit për promovimin e shtetit të Kosovës dhe mbështetjes së interesave të saj.

Përfaqësuesja e KDI-së, Krasniqi tha se lidershipi kosovar po dëshmon papjekuri politike në ndërtimin e miqësive dhe mbështetjes ndërkombëtare.

“Ajo që është edhe më shqetësuese dhe serioze në këtë vizitë të delegacionit kosovar në Nju Jork, është që liderët kosovarë kanë shkuar në Asamblenë e Përgjithshme të Kombeve të Bashkuara pa një qëndrim unik rreth çështjes më të rëndësishme aktuale të Kosovës, dialogun me Serbinë. Presidenti Thaçi dhe Kryeministri Haradinaj kanë qëndrime të ndryshme rreth korrigjimit të kufijve si pjesë e një marrëveshjeje potenciale me Serbinë. Lidershipi kosovar po dëshmon papjekuri politike në ndërtimin e miqësive dhe mbështetjes ndërkombëtare duke artikuluar interesa dhe qëndrime të ndryshme të shtetit të Kosovës dhe rrjedhimisht edhe mungesë të seriozitetit të shtetit të Kosovës. Pasi qëndrimi i Kosovës është duke u artikuluar nga këta liderë, të cilët sillen të pavarur nga njëri-tjetri, a thua se përfaqësojnë shtete të ndryshme”, potencoi ajo.

Krasniqi vlerëson javën e Asamblesë së Përgjithshme të OKB-së si një mundësi të mirë, pasi që për Kosovën që nuk është anëtare e OKB-së, mund të ketë mundësinë për të takuar përfaqësues të shumë shteteve mike dhe shteteve që ende nuk e njohin Kosovën.

“Diplomacia kosovare duhet të ndërtojë një strategji të mirëfilltë të lobimit për promovimin e shtetit të Kosovës dhe mbështetjes së interesave të saj, ku do të përcaktoheshin qartazi qëllimet që diplomacia kosovare i synon dhe mënyrën e ndërtimit të përkrahjes ndërkombëtare për arritjen e këtyre qëllimeve”, ka thënë ajo.

Sipas saj, pritej që liderët kosovarë të shkonin në Nju Jork me një plan të mirëfilltë dhe agjendë serioze të takimeve, e jo me një diplomaci ad hoc dhe amatore.

Ajo tha se këto takime po kthehen më shumë në qëllime për postime fotografish në rrjetet sociale për konsum të brendshëm ditor.

“Këto takime po kthehen më shumë në qëllime për postime fotografish në rrjetet sociale për konsum të brendshëm ditor për të reklamuar takimet e realizuara, në raste të caktuara duke u kthyer edhe në situata qesharake dhe incidente diplomatike duke kompromentuar edhe vet imazhin e diplomacisë së shtetit të Kosovës”, tha Krasniqi.

Ndryshe, në SHBA janë duke qëndruar presidenti Hashim Thaci, kryeministri Ramush Haradinaj, si dhe ministri i Punëve të Jashtme, Behgjet Pacolli, për punimet e Asamblesë së Përgjithshme të OKB-së të cilat kanë nisur të martën, ku pjesëmarrës janë 140 liderë botërorë nga mbarë bota.

Kosova me dy agjenda në Nju-Jork

Periskopi.com Lajme

Dy agjenda në kundërthënie me njëra-tjetrën do të barten nga udhëheqësit e shtetit këtë javë në Nju-Jork.

Presidenti Hashim Thaçi, i cili vazhdon ta promovojë idenë e korrigjimit të kufirit me Serbinë në kuadër të marrëveshjes finale, si dhe kryeministri Ramush Haradinaj, i pozicionuar kundër ndryshimit të kufijve – do të prezantohen në emër të Kosovës, në kuadër të javës së Asamblesë së Përgjithshme të Kombeve të Bashkuara, shkruan sot “Koha Ditore”.

Të dy kanë paralajmëruar që punimet e Asamblesë t’i shfrytëzojnë për t’u takuar me zyrtarë të shtetit amerikan dhe liderë të tjerë botërorë.

Sipas kumtesës së Qeverisë, kryeministri Haradinaj do të zhvillojë takime me liderë dhe përfaqësues, dhe pjesë e agjendës do të jetë: “prezantimi i arritjeve të vendit, tërheqja e investimeve të huaja direkte, fuqizimi i marrëdhënieve bilaterale me shtetet pjesëmarrëse, takime me homologë nga shtetet evropiane”.

Sa i përket temës së dialogut me Serbinë, zëdhënësja e Qeverisë, Donjeta Gashi, i ka thënë gazetës se, “qasja e kryeministrit nuk ndryshon nga ato që ka deklaruar deri tani”.

Qëndrimet e kryeministrit janë në konflikt me propozimin e presidentit, i cili ka vënë në diskutim ndryshimin e kufijve. (Artikullin e plotë mund ta lexoni në numrin e sotëm të Kohës Ditore)

 

Thaçi e Pacolli arrijnë në SHBA, përgatisin agjendën së bashku

Periskopi.com Lajme

Presidenti i Kosovës, Hashim Thaçi ka udhëtuar sot për në SHBA, bashkë me ministrin e Jashtëm, Behgjet Pacolli.

Me të arritur atje Thaçi dhe Pacolli kanë nisur punën për përgatitjen e agjendës.

“Bashkë me Zëvendëskryeministrin e Parë, Behgjet Pacollin, duke punuar në finalizimin e agjendës sonë për sesionin vjetor të Asamblesë së Përgjithshme të Kombeve të Bashkuara në New York”, ka shkruar Thaçi në Facebook.

“Në ditët në vijim do të zhvillojmë shumë takime me përfaqësues botërorë për të shtyrë përpara agjendën euroatlantike të Republikës së Kosovës, bashkëpunimin bilateral, njohjet dhe anëtarësimin në organizata ndërkombëtare”.

Vizitën në Kosovë Vuçiq e nisë nga Gazivoda – Kjo është agjenda e tij

Periskopi.com Lajme

Presidenti serb Aleksandar Vuçiq sot e nesër të qëndrojë për vizitë në Kosovë.

Ai megjithatë do të vizitojë edhe digën e Ujmanit, ani pse fillimisht i ishte refuzuar leja për këtë.

Mirëpo, pas presionit ndaj autoriteteve kosovare nga Bashkimi Evropian, atij iu mundësua edhe realizimi i agjendës në këtë pjesë.

Vuçiq do të vijë në Kosovë në ora 14:00 përmes pikës kufitare në Bernjak, ku nga aty do të vazhdojë në Zubin Potok.

Në ora 15:00 do të qëndrojë në Gazivodë.

Në ora 15:40 në Leshak.

Në ora 17:00 do të qëndrojë në Shkollën e Bujqësisë në Leshak.

Në ora 17:45 do të qëndrojë në Hallën e shporeteve në Leposaviq.

Në ora 19:00 arrin në Zveçan ku do ta kalojë natën.

Ditën e dytë të vizitës së tij në Kosovë, të dielën, Vuçiq, në ora 08:00 viziton Qendrën Shëndetësore në Mitrovicë.

Në ora 08:30 do të qëndrojë sërish në Zveçan.

Në ora 09:15 do ta vizitojë fshatin Banjë.

Në ora 11:15 do të qëndrojë sërish në Mitrovicë, dhe

Në ora 13:00 do të largohet nga Kosova përmes pikës kufitare në Jarinje.

Për dhjetë muaj, Kuvendi ka realizuar vetëm 19 për qind të agjendës

Periskopi.com Lajme

Vetëm 26 ligje kanë kaluar në Kuvendin e Kosovës, tash kur kanë kaluar 10 muaj nga legjislatura e re, e 7 muaj të këtij viti, raporton KTV.

Vetëm 19 për qind është realizuar deri tash agjenda, ndërsa secila seancë përballet me probleme të njëjta, mungesë kuorumi, ose mospjesëmarrje në votim. Ata që e mbikëqyrin punën e Kuvendit, pak kanë shpresë se kjo mendësi do të ndryshojë, duke e ditur qasjen e deputetëve.

Artan Murati nga KDI-ja ka thënë se puna e deputetëve nuk mund të numërohet me orë qëndrimi në sallë, por me produktivitetin që sjellin ata.

Ndërkohë, kryetarja e Komisionit për legjislacion, Albulena Haxhiu, ka shprehur shqetësimin për organizimin e punës në Kuvend. Deputetët ende nuk kanë informacion nëse do të shkojnë ose jo në pushime.

Por, sipas Rregullores së Kuvendit, gushti është pushim për ta dhe punës i rikthehen javën e dytë të shtatorit.