Autoriteti i Aviacionit: Ndalesa e fluturimeve për Itali është e përkohshme

Periskopi.com Lajme

Autoriteti i Aviacionit Civil i Kosovës ka thënë se me rekomandim të IKSHPK-së dhe në konsultim me Ministrin e Infrastrukturës dhe të Ambientit, kanë vendosur që të ndërpriten përkohësisht të gjitha fluturimet nga rajonet e Italisë Veriore të prekura koronavirusi.

“Duke vepruar sipas rekomandimit të IKSHP-së, me qëllim të parandalimit të shpërndarjes së korona virusit Covid 19, drejtori i përgjithshëm i AAC-së, në konsultim me Ministrin e Infrastrukturës dhe Ambientit, ka vendosur që të ndërpriten përkohësisht të gjitha fluturimet nga rajonet e Italisë Veriore të prekura nga ky virus”.

“Ndalesa është e përkohshme dhe vlen deri në vendimin e radhës. AAC është në konsultim të vazhdueshëm me IKSHP-në dhe Ministrinë e Shëndetësisë për monitorimin e situatës në rajonet e krizës dhe do të merr vendime përkatëse në bazë të rekomandimeve të IKSHP-së”, thuhet  në njoftimin e AACK-së.

Paralajmërohet hetim për rastin e turbulencës së avionit në linjën Prishtinë-Bazel

Periskopi.com Lajme

Autoriteti i Aviacionit Civil i Kosovës është njoftuar për ndodhinë e aeroplanit të linjës ajrore “ALK Airlines” në fluturimin nga Prishtina në Bazel. Ai ka paralajmëruar hetim për rastin.

Autoriteti i Aviacionit Civil sot në mëngjes ka kontaktuar me zyrtarë të kësaj kompanie ajrore dhe ka kërkuar një raport të detajuar lidhur me këtë ndodhi, për hetim të mëtejmë nga ana e AAC-së, thuhet në reagimin e AACK-së.

AAC në bazë të përgjegjësive që ka, rregullisht bën inspektime të kompanive ajrore që operojnë në ANP “Adem Jashari”, përfshirë edhe kompaninë në fjalë.

AAC ka trajtuar dhe trajton çdo herë shqetësimet e ngritura nga cilido person juridik apo fizik dhe merr masa parandaluese përmes inspektimeve të rregullta. Një prej inspektimeve të bëra është realizuar edhe në këtë kompani ajrore dhe gjatë këtyre inspektimeve nuk janë vërejtur parregullsi në pajisje apo përgatitje të personelit të aeroplanëve, të cilët do të mund të paraqesin ndonjë rrezikim të sigurisë së fluturimit.

Bazuar në informatat që tanimë janë publike, aeroplani në fjalë ka hasur në turbulencë që mund të cilësohet si shqetësuese dhe aspak e këndshme për pasagjeret në bord. Megjithëse aeroplanët që sot janë në përdorim anekënd globit para futjes në shfrytëzim nga operatorët ajrorë kalojnë një sërë testesh për të përballuar ngarkesat e mundshme të shkaktuara nga erërat e fuqishme dhe lëvizjet vertikale të presionit ajror (turbulencat). Gjithashtu edhe ekuipazhi i fluturimit është i trajnuar për t’u përgjigjur në mënyrë adekuate dhe sa me pak shqetësuese për pasagjer.