Bashkohet pas 10 vjetëve grupi më i famshëm i muzikës

Periskopi.com Showbiz

Grupi amerikan më i famshëm i muzikës, “The Pussycat Dolls” është bashkuar pas 10 vjetëve.

“The Pussycat Dolls” performuan këngët “Don’t Cha” dhe “Buttons” në finalen e kompeticionit të njohur “X Factor”, transmeton Gazeta Sinjali.

Vokalistja e grupit, Nicole Scherzinger  në një intervistë për “MailOnline”, ka thënë se ky është vetëm fillimi që grupi ka përgatitur për fansat e tyre.

“Ishte kaq e mrekullueshme që të bëheshim bashkë përsëri. Energjia nga turma ishte e mahnitshme dhe na dha shtysë”, citohet të ketë thënë 41-vjeçarja.

Nicole iu bashkua anëtareve të tjera të grupit: Carmit Bachar, Kimberley Wyatt, Ashley Roberts dhe Jessica Sutta për një turne muzikor që do të nisë së shpejti.

 

Nëna kosovare bashkohet me fëmijët e saj pas tetë vjetësh

Periskopi.com Lajme

Për rastin kishin njohuri autoritetet kosovare e gjermane. Bytyqit ia kishte marrë burri fëmijët vite më parë.

Pritja e Hana Bytyqit për t’i parë fëmijët e saj mori fund.

43-vjeçarja për më shumë se 8 vjet nuk i kishte dëgjuar e as nuk i kishte parë djalin dhe vajzën e saj, raporton T7.

Thoshte se ata ia rrëmbeu ish- burri i saj nga Qyshku i Pejës.

Në një bisedë telefonike me televizionin T7, Bytyqi tha se pasi ishte ndarë me burrin, ai kishte marrë fëmijët nga ajo.

Bytyqi, e cila jeton në Gjermani, kishte paraqitur rastin para autoriteteve në të dy vendet, por u desh një kohë e gjatë që pritjet e saj të kenë rezultat.

T7 muaj më parë kishte raportuar për rastin, ndërkohë që nga Prokuroria Themelore e Pejës kishin konfirmuar atë duke shtuar se janë në fazën e rigrumbullimit të fakteve.

Megjithatë duket se ankthi 8-vjeçar tanimë ka marrë fund për Bytyqin, e cila kërkonte në cdo formë të ritakonte fëmijët.

E kjo më në fund ndodhi.

Nën përcjelljen e mediumit gjerman RTL, Hana Bytyqi më në fund u takua me fëmijët e saj.

Madje, për rastin u realizua edhe një dokumentar nga televizioni gjerman.

E emocionet nuk kishin si të mungonin.

Me gjasë, ritakimin e kishin të vështirë edhe fëmijët.

Siç raporton mediumi gjerman, njëri nga fëmijët fillimisht nuk kishte pranuar të shkojë në Gjermani.

Fëmijët e saj janë 13, përkatësisht 11-vjeçar.

Nga Prokuroria kanë thënë se rasti po vazhdon të hetohet.