PS e dërrmon PD’në, ia merr një nga bastionet më të mëdha për herë të parë prej viteve të 90’ta

Periskopi.com Lajme

Ashtu siç edhe pritej, zgjedhjet vendore të 30 qershorit po shpallin fitues në të gjitha bashkitë Partinë Socialiste, e cila ishte e vetme në garë.

Kështu, PS ka arritur të marrë për herë të parë pas shumë kohësh bastionin e Partisë Demokratike, Bashkinë e Tropojës.

Sipas të dhënave zyrtare të KQZ-së, kryetari i ri i Bashkise do të jetë Rexhë Byberi, kandidat i Partisë Socialiste.

Përballë Byberi garonte vetëm kandidati i Bindjes Demokratike, Edison Hasanaj, i cili ka fituar vetëm 177 vota. Ndërkohë që Rexhë Byberi ka fituar 3538 vota.

PDK’ja goditet në bazë

Periskopi.com Lajme

Drenica mund të mos jetë në të ardhmen “hambar” i votave për PDK-në, ashtu siç ka qenë që nga paslufta e deri më tani.

Krijimi i një subjekti të ri politik nga djali i heroit Hamëz Jashari, Bekimi, vlerësohet se do ta dëmtojë rëndë partinë e Kadri Veselit, sidomos në Skenderaj dhe në Drenas.

Partia Demokratike e Kosovës (PDK) mund ta rrezikojë bastionin e saj shumëvjeçar Skenderajn, pasi që kryetari aktual i Komunës Bekim Jashari po paralajmëron formimin e një partie të re politike.

Me këtë rast pas djalit të heroit Hamëz Jashari pritet të rreshtohen edhe shumë figura të njohura të partisë së drejtuar nga Kadri Veseli, PDK-së. Përpos Skenderajt, vlerësohet se Jashari mund ta rrezikojë PDK-në edhe në Drenas, komunë kjo e cila që nga paslufta po ashtu është qeverisur nga ky subjekt politik. Ish-deputeti i Kuvendit të Kosovës nga radhët e PDK-së, Nuredin Lushtaku, ka bërë të ditur për “Zërin” se në momentin që do të formohet partia e re ai do t’i bashkohet Bekim Jasharit.