Theresa May shpërthen së qeshuri, me gjasë nga batutat e Ramës

Periskopi.com Fun

Kryeministri i Shqipërisë, Edi Rama, është takuar në samitin e Poznan në Poloni edhe më kryeministren angleze në ikje, Theresa May.

Zyra e shtypit në kryeministri nuk dha asnjë detaj se çfarë është biseduar në këtë takim, por nga një fotografi e siguruar nga Top Channel, kryeministrja May ka shpërthyer në të qeshura bashkë me një prej anëtarëve të delegacionit që e shoqëronte.

Me sa duket shkaku është ndonjë nga batutat e Edi Ramës të cilat nuk i mungojnë edhe kur përballë ka udhëheqës perëndimorë.

Tashmë batutat therëse të Ramës si në takimet si ky me Theresa May apo edhe darkat si ato me kancelaren Merkel janë diçka e zakonshme.

Në rastin e Theresa May, e cila shquhet për ftohtësinë e saj, batuta duhet të ketë qenë e duhura për nivelin e humorit britanik.

Nëse kryeministri Rama ia ka arritur ta bëjë të qeshë hallemadhen në ikje, Theresa May, kjo do të thotë se e ka kaluar testin për të bërë së qeshuri një britanike e cila asnjëherë si kryeministre nuk u shqua për humor in si paraardhësit e saj Tony Blair apo David Cameron.

 

 

Historiani deshifron thënien e famshme të Pjetër Arbnorit

Periskopi.com Lajme

Historiani Kastriot Dervishi ka komentuar përmes një postimi në “Facebook” shprehjen e njohur të Pjetër Arbnorit se “socialistët janë specialistë dhe jo socialistë”, në një kohë që ish-politikani u nderua me një bust në mjediset e Kuvendit.

E vërteta sipas Dervishit lidhet me një ndodhi në Bon të Gjermanisë në vitin 1992.

“Prej vitesh qarkullon një shprehje e vjetër e Pjetër Arbnorit se të majtët nuk ishin socialistë, por specialistë. E vërteta lidhet me një ndodhi në Bon, ish kryeqytetin e Gjermanisë në vitin 1992.

Një grup deputetësh të Kuvendit Popullor me në krye kryetarin Pjetër Arbnori ishin për vizitë në Bon. Pas disa ditësh qëndrim në hotel, erdhi radha e pagesës së hotelit. Në pagesë përfshihej edhe pagesa e televizorit të dhomës, gjë të cilën deputetët nuk e dinin. Gjatë kohës së qëndrimit në hotel deputetët, të uritur për të parë programe pornografike, kishin rritur orët e pagesës televizive.

Në çastin kur duhej bërë pagesa te sporteli i hotelit, Pjetër Arbnori mëson çfarë kishin bërë deputetët dhe lëshon batutën se këta ishin specialistë, duke i ftuar të kryenin pagesat sipas kërkesave të gjermanëve. Kjo batutë pastaj është zgjatur e interpretuar në vite për gjëra të ndryshme”,- shprehet Dervishi.