Po testohen 7 raste të dyshimta me coronavirus në Kosovë

Periskopi.com Lajme

Në Kosovë ende nuk është shënuar asnjë rast me coronavirus.

Ndonëse në disa media u raportua se tashmë është shënuar rasti i parë i prekur me coronavirus, një gjë e tillë është mohuar nga Instituti Kombëtar i Shëndetësisë Publike të Kosovës dhe nga QKUK-ja.

Zëdhënësja e IKSHPK-së, Era Pireva tha se deri më tash nuk ka rast të konfirmuar, dhe se janë 7 mostra duke u testuar.

“Është lajm i rrejshëm nuk ka të konfirmuar. Momentalisht janë 7 mostra duke u testuar se a janë të prekura nga ky virus”, ka thënë Pireva.

Tuna mendon se seksi i vazhdueshëm vret koronavirusin

Periskopi.com Showbiz

Ka ardhur edhe një reagim i Tunës lidhur me koronavirusin.

Koronavirusi ka kapluar pothuajse të gjithë botën, shkruan lajmi.net.

Ky virus vdekjeprurës ka arritur edhe në Shqipëri dhe deri tani thuhet të jenë të prekur 10 persona.

Reagimet e thirrjet për vetëmbrojtje vazhdojnë të jenë të shumta, e nuk ka munguar as ai i këngëtares shqiptare, Altuna Sejdi-Tuna.

Ajo e ka publikuar një fotografi në të cilën shihen lajmet në CNN dhe aty shkruan “Seksi i vazhdueshëm vret koronavirusin”.

Bilanci i fundit nga koronavirusi në Itali: 631 viktima e mbi 10 mijë të infektuar

Periskopi.com Lajme

Është rënduar tej mase bilanci i viktimave nga koronavirusi në Itali.

Gjatë ditës së sotme, numri i viktimave në këtë shtet ka arritur deri në 631 viktima.

Shqetësuese prezantohet situata e koronavirusit në Itali dhe pak orë nga hyrja në fuqi e dekretit të ri të qeverisë italiane e cila ka shpallur zonë të e nën rregullin e masave drastike të limitimit të lëvizjes në të gjithë territorin.

Zyra e Mbrojtës civile ka publikuar shifrat e reja në nivel kombëtar të cilat shënojnë 10 mijë e 149 të infektuar.

877 të infektuar po kurohen në terapi intesive, 5038 në struktura spitalore e 2599 në kushte shtëpie.

Rajoni i Lombardisë vazhdon të shfaqet më shqetësues me 5791 të infektuar e 468 viktima.

IKSHP: S’ka koronavirus në Kosovë, lani duart sa më shpesh

Periskopi.com Lajme

Instituti Kombëtar i Shëndetësisë Publike të Kosovës po vazhdon t’i mbajë të informuar qytetarët rreth situatës së koronavirusit në Kosovë.

Sipas të dhënave të fundit të IKSHP-së në Kosovë nuk ka koronavirus, por po vazhdojnë të aplikohen masat preventive.

Në një komunikatë të lëshuar para një ore IKSHP fton qytetarët të kenë kujdes nga infeksionet respiratorë dhe t’i lajnë duart sa më shpesh!

Mbi 48 mijë të shëruar nga koronavirusi

Periskopi.com Lajme

Mjekët e specializuar thonë se nuk ka vend për shqetësim dhe, sipas tyre, është virus sikurse viruset e kaluara që trajtohen.

Alarmi nga koronavirusi është rritur gjatë ditëve të fundit, pas përhapjes së tij në Italinë fqinje, por edhe në vende të tjera evropiane.

Numri total i personave, të cilët aktualisht janë mbartës të virusit, ka rënë. “Worldometers”, e cila publikon në kohë reale të dhëna nga koronavirusi dhe jo vetëm, bën të ditur se deri më tani 48,458 persona kanë arritur të shërohen, ndërsa aktualisht janë mbartës të virusit 40,725 persona, nga të cilët 33,627 (83%) persona janë në gjendje të qëndrueshme, ndërsa 7,095 (17%) persona janë më rëndë. Deri tani kanë humbur jetën 3,137 persona.

Megjithatë, mjekët e specializuar thonë se nuk ka vend për shqetësim dhe, sipas tyre, është virus sikurse viruset e kaluara që trajtohen.

Irani është shteti i dytë me numrin më të lartë të personave që kanë humbur jetën, edhe pse numri i të prekurve është më i ulët se në Korenë e Jugut. Në Iran koronavirusi ka prekur 2,336 persona, nga të cilët 77 kanë humbur jetën, ndërsa në Korenë e Jugut 5,186 persona janë infektuar, nga të cilët kanë humbur jetën 34 persona, transmeton albinfo.ch.

Në Shqipëri janë testuar 53 raste për Coronavirus, të gjithë negativë

Periskopi.com Lajme

Në Shqipëri janë testuar gjithsej 53 raste të dyshuara me Coronavirus, ndërsa që të gjitha rastet kanë dalë negative.

Eugena Tomini, shefe e Epidemiologjisë në Shqipëri tha se gjatë 24 orëve janë testuar tri raste të dyshuara, por që rezultatet kanë dalë negative.

“Gjatë 24 orëve të fundit janë testuar 3 raste të reja në Laboratorin e Virologjisë pranë ISHP nga ku në total numri i rasteve të testuar ka shkuar në 53. Të gjitha rastet kanë rezultuar negative për COVID 19. Rastet kanë pasur shenja të infeksionit respirator dhe histori udhëtimi me vendet ku ka shpërthim epidemik dhe komunitar të Coronavirusit të ri”, tha Tomini.

Po ashtu u tha se në vijimësi po kryhet kontroll e përforcuar në pikat kufitare, ajrore, detare dhe tokësore duke kryer monitorimin e temperaturës për të gjithë udhëtaret që hyjnë në Republikën e Shqipërisë.

“Në 24 orët e fundit në të gjitha pikat kufitare në total kanë hyrë 17,770 udhëtarë, të cilët janë vlerësuar, mbështetur në survejancën e përforcuar për monitorimin e temperaturës”, tha përfaqësuesja e Task Forcës.

Në 24 orët e fundit në nr. 127 ka pasur 1539 thirrje, nga të cilat 38 prej tyre janë vlerësuar në lidhje me infeksione virale respiratore dhe histori udhëtimi me Italinë.

Ministria e Shëndetësisë dhe Mbrojtjes Sociale rekomandon për qytetarët që kanë udhëtuar nga rajonet e prekura dhe që kanë pasur kontakte me persona të sëmurë apo të dyshuar për COVID-19, të vetëkarantinohen për një periudhe 14 ditore.

Ministria e Shëndetësisë rekomandon që qytetarët që kanë udhëtuar në vendet e prekura dhe kanë shenjat e infeksionit viral: temperaturë, kollë, rrufë dhe vështirësi në frymëmarrje, të telefonojnë numrin unik 127 të Urgjencës Kombëtare, për të marrë udhëzimet e duhura se si të veprojnë në situata të ndryshme shëndetësore. /Tch

CNN: Kjo është shpërndarja e saktë e koronavirusit nëpër botë

Periskopi.com Lajme

Koronavirusi, i cili për herë të parë ka shpërthyer në Kinë, dhe tani është përhapur në të gjithë botën, ka bërë që shumë shtete të botës të shpallin situatë emergjente.

Ekspertët shëndetësorë, janë mobilizuar në vetëdijesimin e njerëzve që t’i shtojnë masat parandaluese dhe mbrojtëse, për ta shmangur përhapjen e mëtejmë të këtij virusi.

Virusi tani i quajtur COVID-19, mund të transmetohet me anë të kontaktit të drejtpërdrejt me persona të infektuar, përmes kollitjes apo teshtitjes.

Raportimet e fundit tregojnë se janë regjistruar mbi 80.5000 persona të infektuar si dhe 3.000 të tjerë të vdekur si pasojë e tij.

Lista e mëposhtme e publikuar nga CNN, tregon numrin e saktë të personave të infektuar, si dhe vendet në të cilat është përhapur virusi:

1. Afghanistan (1 rast)

2. Algjeri (12 raste)

3. Andorra (1 rast)

4. Argjentina (2 raste)

5. Armenia (1 rast)

6. Australia (59 raste, 2 vdekje)

7. Austria (41 raste)

8. Bahrain (49 raste)

9. Bjellorusi (6 raste)

10. Belgjikë (50 raste)

11. Butan (1 rast)

12. Bosnje (1 rast)

13. Brazil (8 raste)

14. Kil (2 rast)

15. Kamboxhia (1 rast)

16. Kanadë (37 raste)

17. Kroaci (6 raste)

18. Çeki (12 raste)

19. Danimarkë (3 raste)

20. Republika Domenikane (2 raste)

21. Ekuadori (13 raste)

22. Egjipt (3 raste)

23. Estoni (1 rast)

24. Finlandë (3 raste)

25. Francë (423 raste, 7 vdekje)

26. Gjeorgji (1 rast)

27. Gjermani (349 raste)

28. Gjibraltar (1 rast)

29. Greqi (31 raste)

30. Hong Kong (103 raste, 2 vdekje)

31. Hungari (1 rast)

32. Islandë (26 raste)

33. Indi (31 raste)

34. Indonezi (2 raste)

35. Iran (3,513 raste, 107 vdekje)

36. Irak (38 raste, 2 vdekje)

37. Irlandë (13 raste)

38. Izrael (17 raste)

39. Itali (3,858 raste, 148 vdekje)

40. Japoni (1,045 raste, 12 vdekje)

41. Jordani (1 rast)

42. Kuvajt (58 raste)

43. Latvi (1 rast)

44. Lebanon (13 raste)

45. Lituani (1 rast)

46. Luksemburg (1 rast)

47. Makao (10 raste)

48. Malajzi (50 raste)

49. Meksikë (5 raste)

50. Monako (1 rast)

51. Marok (16 raste)

52. Nepal (1 rast)

53. Holanda (82 raste)

54. Zelanda e Re (4 raste)

55. Nigeri (1 rast)

56. Maqedoni (1 rast)

57. Norvegji (15 raste)

58. Oman (16 raste)

59. Pakistan (6 raste)

60. Palestinë (7 raste)

61. Filipine (3 raste, 1 vdekje)

62. Poloni (1 rast)

63. Portugali (8 raste)

64. Qatar (7 raste)

65. Rumani (3 raste)

66. Rusi (7 raste)

67. San Marino (1 rast)

68. Arabi Saudite (5 raste)

69. Senegal (2 raste)

70. Singapor (117 raste)

71. Slloveni (1 rast)

72. Kore Jugore (6,593 raste, 42 vdekje)

73. Spanjë (263 raste, 5 vdekje)

74. Shri Lanka (1 rast)

75. Afrika Jugore (1 rast)

76. Suedi (52 raste)

77. Zvicër (18 raste, 1 vdekje)

78. Tajvan (44 raste, 1 vdekje)

79. Tajlandë (48 raste, 1 vdekje)

80. Tunizi (1 rast)

81. Ukrainë (1 rast)

82. Emiratet e Bashkuara Arabe (27 raste)

83. Britani e Madhe (116 raste, 1 vdekje)

84. ShBA (228 raste, 14 vdekje)

85. Vietnam (16 raste)

Iraku konfirmon vdekjet e para nga COVID-19

Periskopi.com Lajme

Ministria e Shëndetësisë e Irakut njoftoi për dy personat e parë të vdekur si pasojë e sëmundjes që shkakton koronavirusi i ri.

Një grua me sistem të dobët imunitar dhe një burrë që vuante nga sëmundje kronike kanë vdekur të mërkurën në Bagdad, thanë autoritetet.

Ka pasur raporte kundërthënëse edhe për vdekjen e një kleriku 70-vjeçar në rajonin kurd të Sulejmanias.

Zyrtarët kurdë atje kanë thënë se vdekja e tij ishte rezultat i COVID-19 – sëmundjes që shkakton koronavirusi – por Ministria e Shëndetësisë ka thënë se kjo nuk është konfirmuar.

Organizata Botërore e Shëndetësisë ka thënë se Iraku ka raportuar 34 raste të prekura me koronavirus.

Shumica e tyre lidhen me Iranin fqinj, ku sëmundja ka vrarë 107 njerëz dhe ka prekur mbi 3,500 të tjerë.

Ka shqetësime se sistemi shëndetësor në Irak nuk do të ishte në gjendje të përballonte një shpërthim të madh të sëmundjes, pas viteve të luftës, sanksioneve të Kombeve të Bashkuara dhe korrupsionit.

OBSH-ja ka thënë muajin e kaluar se infrastruktura mjekësore në Irak ka “disa zbrazëtira domethënëse”.

 

Mbi 150 raste të reja me coronavirus brenda një dite në Gjermani

Periskopi.com Lajme

Coronavirusi po përhapet aq shpejt në Gjermani saqë sipas raportimeve autoritetet nuk mund të vazhdojnë më me llogaritjen!

Shifrat nga shtetet federale tregojnë se më shumë se 400 njerëz në Gjermani kanë kontraktuar tashmë SARS-CoV-2.

Ndërsa thuhet se ka pasur të paktën 150 infeksione të reja në 24 orët e fundit, përcjellë Klan Kosova.

Mëngjesin e së enjtes siç shkruan Bild.de, konkretisht në 10:00 të paradites, Instituti Robert Koch raportoi 349 persona të infektuar, përfshirë 175 vetëm në North Rhine-Westphalia.

Por në të njëjtën kohë, Ministria e Shëndetësisënë North Rhine-Westphalia regjistroi tashmë 230 raste.

Instituti Robert Koch citon situatën si ‘’shumë dinamike’’ dhe shtetet federale gjithashtu duhet të luftojnë me këtë gjendje.

Italia bëhet vendi i dytë me më së shumti viktima nga coronavirusi

Periskopi.com Lajme

Numri i personave të vdekur nga coronavirusi në Itali ka shkuar në 107, duke u bërë vendi i dytë në botë me më së shumti viktima.

Siç edhe është raportuar, deri më tani, numri i të vdekurve nga virusi në Kinë ka shkuar në 2,981, ndërsa në Iran në 92.

Sipas mediave të huaja, përcjell Telegrafi, 443 raste më shumë janë konfirmuar nga coronavirusi në Itali, ndërsa numri i viktimave është rritur për 28 që nga dita e djeshme.

Shefi i mbrojtjes civile, Angelo Borrelli, ka deklaruar se 276 persona janë rikuperuar, që shënon përqindjen më të madhe në ditët e fundit, ndërsa 297 prej të infektuarve janë në kujdes intensiv.

Ai më tutje ka thënë se numri i pacientëve në spital është 1,346, ndërsa të izoluar në shtëpi janë 1,065 persona.

Kujtojmë Italia është vendi me më shumë të prekur nga coronavirusi në Evropë, ndërsa rajonet më të prekura janë ai i Lombardisë dhe Venetos.

Numri i personave të vdekur në Itali nga coronavirusi shkon në 79

Periskopi.com Lajme

Numri i viktimave nga coronavirusi në Itali ka shkuar në 79, ka njoftuar kreu i agjencisë së mbrojtjes civile në Itali, Angelo Borelli.

Sipas mediave të huaja, përcjell Telegrafi, Italia ka tejkaluar Iranin për nga numri i vdekjeve pasi kjo e fundit ka raportuar 77 viktima në ditën e sotme.

Numri i përgjithshëm i rasteve në vendin më të goditur në Evropë u rrit në 2,263 nga 2.036 që nga e hëna.

Raportohet se shpërthimi i coronavirusit në Itali ka prekur rajonet më të pasura veriore, atë të Lombardisë dhe Venetos.

Irani liron përkohësisht 54,000 të burgosur për të luftuar përhapjen e coronavirusit

Periskopi.com Lajme

Irani ka liruar përkohësisht 54,000 të burgosur, për të luftuar përhapjen e coronavirusit.

Sipas BBC,  zëdhënësi i gjyqësorit Gholamhossein Esmaili i liroi me kusht të burgosurit, ndonëse u testuan negativë nga coronavirusi.

“Të dënuarit me më shumë se pesë vjet burg nuk do të lihen të lirë”, ka thënë Esmaili.

Bëhet e ditur se një punëtore britanike-iraniane Nazanin Zaghari-Ratcliffe mund të lirohet së shpejti, sipas ambasadores Tulip Siddiq nga informatat e bazuara të ambasadorit iranian në Britaninë e Madhe.

Burri i Nazanin Zaghari-Ratcliffe, tha të shtunën se bashkëshortja e tij ishte prekur nga virusi, mirëpo autoritetet e burgut kanë refuzuar që ta testonin atë.

Lidhur me këtë rast ka reaguar zëdhënësi i gjyqësorit Gholamhossein Esmaili duke thënë se Zaghari-Ratcliffe kishte qenë në kontakt me familjen e saj, duke i informuar ata se ajo ishte në gjendje të mirë shëndetësore.

Sipas BBC, coronavirusi në Iran ka vrarë të paktën 70 persona në më pak se dy javë, ndërsa janë infektuar 2,336 persona.

Parashikimi i profesorit të Harvardit: Coronavirusi mund të prekë deri në 70% të popullsisë në botë

Periskopi.com Lajme

Epidemiologu dhe profesori në Universitetin e Harvardit Marc Lipsitch tha se coronavirusi ka të ngjarë të bëhet një pandemi gjatë këtij viti, dhe se mund të infektojë një përqindje të konsiderueshme të popullsisë në botë.

Ndërsa ai i tha Wall Street Journal, prekja nga coronavirusi do të ishte midis 40% dhe 70%. Sidoqoftë, Lipsitch ishte i bindur në sqarimin se shumë nga rastet e mundshme do të ishin të buta ose asimptomatike, transmeton Telegrafi.

Parashikimi i Lipsitch u thanë edhe nga dy ekspertë të tjerë të fushës. Ira Longini, këshilltare në Organizatën Botërore të Shëndetit (OBSH), parashikoi që shifra të arrinte në dy të tretat e popullsisë në botë, ndërsa Gabriel Leung, drejtuesi i departamentit të mjekësisë publike në Universitetin e Hong Kongut, tha se nëse vlerësimi që tregon se secili i infektuar infektonte mesatarisht 2.5 persona, coronavirusi mund të ndikojë në një përqindje që do të shkonte nga 60 % dhe 80% të popullsisë në botë.

OBSH raportoi të premten se numri i përgjithshëm i rasteve të coronavirusëve në planet arrin në 83 652, nga të cilat 78.961 korrespondojnë me Kinën dhe 4,691 për pjesën tjetër të botës. Kjo numër supozon se në 24 orët e fundit janë regjistruar gjithsej 1,358 raste shtesë (331 në Kinë dhe 1.027 në vendet e tjera).

OBSH gjithashtu tregoi se COVID-19 deri më tani ka shkaktuar 2.791 vdekje në Kinë dhe 67 jashtë këtij vendi. Bjellorusia, Lituania, Holanda, Zelanda e Re dhe Nigeria ishin vendet e reja që raportuan një ose më shumë raste, duke e çuar numrin e përgjithshëm të kombeve të prekur në 51.

Numri më i madh i rasteve të prekur nga coronavirusi jashtë Kinës është regjistruar në Korenë e Jugut – 2.337 të infektuar, 13 vdekje, Italia -888 të infektuar, 21 vdekje- dhe Irani -388 të infektuar, 34 vdekje.

Sidoqoftë, një raport i BBC Persia tha të premten se Irani nuk ka raportuar numrin aktual të personave që kanë vdekur nga  coronavirusi në vend.

Dje, OBSH ngriti rrezikun e zgjerimit të epidemisë globale në  nivele “shumë të larta”, në të njëjtin nivel që kishte llogaritur më parë në Kinë dhe në rajonin e Azi-Paqësorit. “Ne jemi në një moment vendimtar”, tha drejtori i OBSH-së Tedros Adhanom Ghebreyesus, i cili theksoi se gjatë dy ditëve të fundit numri i përditshëm i infeksioneve në botë kishte qenë më i lartë se ai i regjistruar në Kinë”. Asnjë vend nuk duhet të mendojë se nuk do të ketë raste. Ky do të ishte një gabim fatal. Virusi nuk respekton kufijtë”, paralajmëroi ai.

Prodhuesit e birrës ‘Corona’ raportojnë 155 milionë euro humbje si rezultat i koronavirusit

Periskopi.com Lajme

Brewer Anheuser-Busch, kompani prodhuese e birrës ‘Corona’, ka paralajmëruar për rënien më të madhe të fitimit tremujor për të paktën një decade, pasi koronavirusi i kushtoi rreth 155 milionë euro humbje.

Gjiganti më i madh për prodhimin e birrës, i cili qëndron pas markave Corona, Budweiser dhe Stella Artois, parashikon se fitimet e tremujorit të parë do të bien me rreth 10% pasi përhapja e virusit pësoi rënie të kërkesës në Kinë, transmeton lajmi.net.

Grupi me qendër në Belgjikë tha: “Ndikimi i shpërthimit të virusit Covid-19 në biznesin tonë vazhdon të evoluojë”.

“Përhapja ka çuar në një rënie të konsiderueshme të kërkesës në Kinë”.

Muajin e kaluar Google tha se kërkimet birrën Corona ishin rritur me 1,100 përqind, si arsye e koronavirusit.

Në Kosovë rreziku është i ulët për coronavirus

Periskopi.com Lajme

Instituti Kombëtar i Shëndetit Publik në Kosovë, sot ka mbajtur një mbledhje për të diskutuar për menaxhimin e situatave në rast të dyshimit/konfirmimit të rasteve me Novel Coronavirus COVID-19.

Gjatë kësaj mbledhje është diskutuar për rëndësinë e madhe që ka bashkëpunimi dhe koordinimi me të gjitha institucionet përgjegjëse për gatishmëri në reagim në situata të tilla.

Po ashtu në këtë mbledhje u vlerësua edhe vigjilenca dhe gatishmëria e epidemiologëve për detektimin e hershëm dhe reagimin me kohë në momentin që lajmërohet ndonjë rast i tillë në Kosovë.

“Tema e diskutimit ishte situata aktuale me Novel Coronavirus COVID-19, masat parandaluese dhe menaxhimi i situatave në rast të dyshimit/konfirmimit të rasteve me Novel Coronavirus COVID-19. Edhe një herë është theksuar rëndësia e bashkëpunimit dhe koordinimit me të gjitha institucionet të cilat janë përgjegjëse për gatishmëri dhe reagim në situata të tilla. Në takim u vlerësua vigjilenca dhe gatishmëria e epidemiologëve për detektimin e hershëm dhe reagimin me kohë në çdo moment të dyshimit për lajmërimin e rasteve me Novel Coronavirus COVID-19”, thuhet në komunikatën e IKSHPK.

IKSHPK ka njoftuar edhe për gjendjen me të cilën po përballen shtetet e prekura nga ky virus.

“Sipas raportit të fundit të OBSh-së, në mbarë botën janë konfirmuar 43.103 raste me Novel Coronavirus COVID-10. Prej tyre, 42/708 janë në Kinë, 7.333 në gjendje të rëndë dhe 1/017 raste të vdekjes. Në shtetet tjera jashtë Kinës janë konfirmuar 395 raste të shpërndara në 24 shtet dhe një rast i vdekjes në Filipine. Deri më tani në Kosovë nuk është regjistruar asnjë rast me Novel Coronavirus COVID-19 dhe rreziku për Koronavirusin e ri COVID-19 në Kosovë mbetet akoma i ulët”, thuhet në komunikatë.

IKSHPK ka dhënë edhe një listë këshillash që duhet t’i ndiqni për të parandaluar infektimin me virus si:

Shmangia e kontaktit të ngushtë me njerëzit që vuajnë nga infeksione akute të frymëmarrjes.

  1. Larja e shpeshtë e duarve, veçanërisht pas kontaktit të drejtpërdrejtë me njerëzit e sëmurë ose në vendqëndrimin e tyre.
  2. Shmangia e prekjes së fytyrës dhe mbulimi i gojës dhe hundës me faculetë, me mëngë ose parakrahë gjatë kollës dhe teshtitjes. Hudhni faculetat e përdorura në shportën më të afërt të mbeturinave.
  3. Nëse keni ethe, kollë dhe vështirësi në frymëmarrje kërkoni menjëherë ndihmë mjekësore dhe tregoni historinë eventuale të udhëtimit jashtë vendit.
  4. Personat e sëmurë duhet të qëndrojnë në shtëpi në mënyrë që të parandalohet përhapja e sëmundjes.
  5. Të evitohen vendet e mbyllura dhe të mbingarkuara me njerëz.
  6. Personat të cilët kanë qenë në provincën Wuhan, Kinë brenda 2 javëve të fundit dhe kanë ethe, kollë ose vështirësi në frymëmarrje, duhet menjëherë të kërkojnë ndihmë mjekësore.
  7. Brenda mjediseve të institucioneve të kujdesit shëndetësor, të forcohen praktikat standarde të parandalimit të infeksionit dhe kontrollit në spitale, veçanërisht në shërbimet e urgjencës.
  8. IKSHPK rekomandon të gjithë që të mos udhëtojnë drejt Kinës, nëse nuk e kanë të domosdoshme.

Në rast të ndryshimit apo përkeqësimit të situatës epidemiologjike me koronavirusin e ri COVID-19 në Kosovë, rekomandimet mund të pësojnë ndryshime dhe për to do të informoheni me kohë.

 

​OBSH sheh një mundësi reale për ndalimin e virusit COVID-19

Periskopi.com Lajme

OBSH-ja theksoi sot se kishte një mundësi reale për të ndaluar përhapjen në botë të koronavirusit të ri, që e quajti tashmë zyrtarisht “COVID-19”.

“Nëse ne investojmë tani ne kemi një mundësi reale për të ndaluar këtë epidemi”, deklaroi drejtori i përgjithshëm i Organizatës Botërore të Shëndetësisë, Tedros Adhanom Ghebreyesus, në një konferencë shtypi në Gjenevë, ku ndodhet dhe selia e OBSH-së.

Ai njoftoi gjithashtu se koronavirusi i ri do të emërtohet tani COVID-19 pasi ishte quajtur përkohësisht “2019-nCoV”.

“Emri i ri u zgjodh në mënyrë që të jetë më i lehtë për t’u shqiptuar”, nënvizoi ai.

Ai shpjegoi se “CO” nënkupton corona, “VI” virus dhe se “D” ishte zgjedhur për “sëmundjen”, Shifra 19 thekson vitin e shfaqjes (2019).

Transkiptimi zyrtar i OBSH-së i vë të gjitha gërmat kapitale.

Rreth 400 shkencëtarë nga mbarë bota filluan sot një takim dy ditor, nën drejtimin e OBSH-së, i destinuar për intensifikimin e luftës kundër kësaj sëmundjeje.

Numri i viktimave nga koronavirusi pritet të tejkalojë SARS-in

Periskopi.com Lajme

Një shtetas amerikan ka humbur jetën si pasojë e koronavirusit të shtunën, derisa një shtetas japonez po ashtu ka ndërruar jetë si pasojë e virusit, derisa koronavirusi pritet të tejkalojë numrin e viktimave nga virusi SARS më 2002-2003.

Qytetari amerikan 60 vjecar, i diagnostikuar me koronavirus, ka vdekur në një spital në Vuhan, ku edhe kishte shpërthyer virusi, tha një zëdhënës i ambasadës amerikane.

Një japonez i hospitalizuar me pneumoni në Vuhan, po ashtu ka ndërruar jetë si pasojë e virusit.

Numri i viktimave në Kinë është rritur nga 86 në 722 të shtunën, sipas autoriteteve, derisa pritet të tejkalojë rekordin e virusit SARS që shënoi 774 viktima.

Nga nëntori i vitit 2002 deri në korrik të vitit 2003, numri i rasteve të raportuara ishte 8,098.

Dy viktima janë raportuar në Hong Kong dhe Filipine, derisa 330 raste janë paraqitur në rreth 27 shteteve të botës.

Koronavirusi shkakton infeksion të rëndë akut të frymëmarrjes dhe simptomat zakonisht fillojnë me ethe dhe kollë të thatë.

Epiqendra e këtij virusi është në qytetin Vuhan të Kinës.

Eksperti amerikan thotë se koronavirusi është armë biologjike, e krijuar në laborator

Periskopi.com Lajme

“Koronavirusi është një armë lufte biologjike dhe është krijuar në një laborator të Wuhan. Organizata Botërore e Shëndetësisë është në dijeni të këtij fakti”, kështu është shprehur eksperti amerikan Francis Boyle, i cili është profesor drejtësie në universitetin e Illinois.

Kjo teori në fillim u tha se është konspirative, por tashmë thënë nga një ekspert bëhet edhe më serioze.

Francis Boyle në vitin 1989 hartoi aktin për Armët Biologjike, ligjin për luftën kundër terrorizmit për armët biologjike në SHBA, ndërsa në një intervistë të publikuar në rrjet, ai ka thënë se koronavirusi është një armë vdekjeprurëse dhe që është krijuar në një laborator të sigurisë së lartë në Wuhan.

Sipas Boyle, virusi mund të jetë krijuar edhe në laboratorin BSL-4 në Wuhan që është gjithashtu një qendër kërkimore e Organizatës Botërore të Shëndetit.

Sipas ekspertit amerikan, qeveria e Kinës është përpjekur fillimisht ta mbulonte rastin, por tashmë me përhapjen në masë të virusit po merr masa për të frenuar epideminë.

Sipas ‘TgCom’ qëndrimi i profesorit amerikan është në kundërshti të plotë me versionin zyrtar, se virusi vdekjeprurës është shpërndarë në një treg lokal të Wuhan.

Por ky version zyrtar është kundërshtuar edhe nga ekspertë të tjerë të fushës që bëjnë me dije se vetëm 66% e rasteve fillestare me të infektuar kishin vizituar tregun lokal.