Osmani takon Mukwege: E papranueshme që OKB të injorojë tërësisht viktimat civile të luftës në Kosovë

Periskopi.com Lajme

Nënkryetarja e LDK-së, Vjosa Osmani, ka takuar doktorin njëherësh fitues i çmimit Nobel, Denis Mukwege.

Osmani në një postim në llogarinë e saj në Facebook ka shkruar se me të kanë diskutuar për viktimat e dhunës seksuale gjatë luftës në Kosovë, se si kauza e tyre për drejtësi duhet të shndërrohe në misionn të secilit institucion.

Ndër të tjera ajo ka thënë se me të është pajtuar se është e papranueshmë që Kombet e Bashkuara të injorojnë tërësisht viktimat civile të luftës në Kosovë.

“Edhe pse 20 vite pas luftës, rreth 20 mijë viktima të dhunës seksuale gjatë luftës në Kosovë akoma nuk gjetën drejtësi meqë asnjë nga kryerësit e këtyre krimeve nuk u gjykuan e dënuan. Sot bashkë me nobelistin e sivjetëm Denis Mukwege, diskutuam se si kauza për drejtësi e këtyre heroinave, duhet të shndërrohet në mision për secilin prej nesh dhe për institucionet tona. U pajtuam se është e papranueshme që Kombet e Bashkuara të injorojnë tërësisht viktimat civile të luftës në Kosovë në raportet e publikuara lidhur me të mbijetuarat e dhunimeve gjatë luftës”, ka shkruar Osmani.

Dy fituesit e Çmimit Nobel për Paqe krijojnë fondin për të mbijetuarit e përdhunimeve nga lufta

Periskopi.com Lajme

Laureatët e Çmimit Nobel për Paqe, Denis Mukëege dhe Nadia Murad, e kanë lansuar një fond për të siguruar dëmshpërblime për të mbijetuarit e përdhunimeve gjatë kohës së luftës.

Fondi Global i të Mbijetuarve ka për qëllim që të ndihmojë këta persona që të shërohen nga traumat emocionale dhe fizike që i kanë përjetuar.

Kjo ndihmë mund të jetë në formën e kompensimit financiar, mbështetje për të marrë shërbimet e duhura mjekësore, ose për t’ju rikthyer shkollimit apo ndihmë për gjetjen e një shtëpie apo banese për të jetuar.

Ky fond gjithashtu do të mbështesë qeveritë për të krijuar skemat e tyre të dëmshpërblimit.

Kjo iniciativë, e cila ka nisur zyrtarisht në New York të mërkurën, pritet të mbledhë fonde nga qeveritë që duan të dhurojnë para dhe sektori privat, me qëllim të mbledhjes midis 50 milionë dhe 100 milionë dollarë deri në vitin 2022.