Donald Trump anulon planin për deportime masive të meksikanëve

Periskopi.com Lajme

Presidenti i Shteteve të Bashkuara të Amerikës, Donald Trump, tha këtë të shtune se ai do ta anulojë përkohësisht planin për deportimin e meksikanëve. Arsyeja e këtij anulimi Trump tha se është fakti që kërkon të bëj një kompromis me liderët e Partisë Demokratike.

Presidenti, sipas mediave ndërkombëtare, ka pasur presion të madh nga demokratët të cilët kërkonin që emigrantët të mos depërtoheshin dhe familjet të mos ndaheshin. Këtë plan ata e konsideronin johuman dhe se do të kishte efekt tek familjet meksikane në vend.

Trump shkroi në rrjetin social Twitter se ai po e shtynë planin për shkak të kërkesës së demokratëve, e të shihet nëse mund të arrihet ndonjë kompromis, raporton Euronews.

Por ai e paralajmëroi se nëse nuk gjendet një zgjidhje për atë që ai e quajti “problemet me azilantë”, atëherë depërtimi mund të fillojë.

Liderja e senatorëve demokratë, Nancy Pelosi, më parë kishte thënë që ky plan “do të injektonte terror tek komunitetet dhe do t’i ndante familjet”.

Ajo tha se plani i presidentit do të shkaktonte “dhunë dhe do të kryheshin krime serioze”.

Trump, në vitin 2016, shumicën e fushatës e zhvilloi me retorikë anti-emigracion.

 

Ende nuk ka të akuzuar për dëbimin e gjashtë shtetasve turq

Periskopi.com Lajme

Dhjetëra shkelje të evidentuara nga Komisioni Hetimor Parlamentar për veprimet e institucioneve të sigurisë gjatë dëbimit të gjashtë shtetasve turq, nuk kanë mjaftuar ende që të ngrihet ndonjë aktakuzë nga Prokuroria Speciale e Kosovës.

Është bërë gati një vit qëkur Policia e Kosovës kishte arrestuar dhe dëbuar për në Turqi gjashtë qytetarë turq, pesë prej tyre punonjës në shkollën “Mehmet Akif”, dhe një mjek, mirëpo ende nuk ka asnjë person të akuzuar për ngjarjen që ngjalli reagime edhe ndërkombëtare.

Prokuroria Speciale e Kosovës thotë se hetimet kanë filluar edhe para se Komisioni Hetimor Parlamentar t’i dorëzonte të gjeturat lidhur me shkeljet që janë bërë gjatë dëbimit të këtyre personave nga Kosova.

Prokurori Sylë Hoxha, që njëherësh është edhe zëdhënës i këtij institucioni, tha për Radion Evropa e Lirë, se raporti i punuar nga deputetët e Kuvendit të Kosovës, do jetë pjesë e lëndës.

“Ata e kanë dorëzuar, ne e kemi pranuar në Prokurori. Ai raport është pjesë përbërëse e shkresave të lëndës, por ne rastin e kemi filluar më herët në grumbullim të provave”, tha Hoxha.

Pas incidentit që ndodhi më 29 mars 2018, kryeministri Ramush Haradinaj pati liruar nga detyra Driton Gashin, atëkohë shef i Agjencisë së Kosovës për Inteligjencë dhe ministrin e Punëve të Brendshme, Flamur Sefaj, të cilët, më pas kanë dhënë dorëheqje nga pozitat e tyre, mirëpo sipas Prokurorisë, ende është herët të flitet nëse dikush nga zyrtarët e lartë të shtetit është duke u hetuar për këtë rast.

“Provat do të na dërgojnë deri atje. Për momentin ende nuk kemi arritur deri atje, tash të shohim”, tha prokurori Hoxha.

Pjesëtarë të shoqërisë civile, nuk presin që dikush nga zyrtarët e shtetit që ishin të përfshirë në këtë çështje, të mund të jenë pjesë e aktakuzës që mund të ngritët nga Prokuroria.

Arton Demhasaj nga organizata ÇOHU, tha për Radion Evropa e Lirë, se vështirë se mund të ketë ndonjë epilog, siç tha ai, të kënaqshëm për këtë proces.

“Vetëm nëse në bazë të raportit të Komisionit Hetimor, del ose identifikohet ndonjë shkelje shumë flagrante, ndoshta atëherë mund të ketë ndonjë angazhim nga ana e Prokurorisë, edhe ajo më tepër mund të jetë vetëm sa për të pastruar ndonjë figurë se jo për të akuzuar dikë”, tha Demhasaj.

Ai kritikon Prokurorinë për vonesë dhe për neglizhim të këtij procesi. Sipas Demhasajt, Prokuroria Speciale e Kosovës, është dashur ta ketë gati aktakuzën, dhe jo të pres raportin e Komisionit Hetimor Parlamentar, për të filluar hetimet.

“Duke e marrë parasysh që deri tash sa është vonuar ky si proces, vështirë të presim që do të ketë ndonjë aktakuzë nga ana e Prokurorisë, edhe për vetë faktin që deri më tash Prokuroria nuk ka marrë asnjë masë ose nuk ka filluar të zhvillojë asnjë hetim për këtë çështje”, tha Demhasaj.

Pas identifikimit të 31 shkeljeve dhe përpilimit të raportit të ekspertit, anëtarët e Komisionit Hetimor Parlamentar kanë deklaruar se kishin filluar presionet e ndryshme në punën e këtij komisioni. Për këtë presion dhe angazhim më të madh të organeve të ndjekjes për të zbardhur të vërtetën lidhur me këtë rast, ka reaguar edhe ambasada amerikane në Prishtinë, që u pasua edhe nga reagimet e ambasadës së Mbretërisë së Bashkuar dhe asaj të Gjermanisë.

Përmes një deklarate për media, kjo ambasadë tha se “ka kaluar një vit që kur Kosova i ka dëbuar gjashtë shtetas turq, pa një proces të duhur, duke pretenduar se kërcënonin sigurinë kombëtare”.

Ambasada e Shteteve të Bashkuara të Amerikës në Prishtinë, u bëri thirrje institucioneve të Kosovës që të kërkojnë përgjegjësi të plotë nga kushdo që e shkel ligjin dhe i kujtoi liderët e Kosovës se “institucionet e sigurisë duhet të veprojnë vetëm brenda autoritetit të tyre kushtetues”.

Dëbimi i gjashtë shtetasve turq në fundin e marsit të vitit të kaluar, është thënë se është bërë përmes një aksioni të koordinuar ndërmjet shërbimeve të inteligjencës nga Turqia dhe Kosova.

Por, deputetët, presidenti, kryeministri dhe kryetari i Kuvendit të Kosovës patën thënë se nuk kanë pasur njohuri lidhur me rastin. Për gjashtë shtetasit turq, Ankaraja dyshon se janë anëtarë të organizatës “Hizmet”, të udhëheqësit fetar turk, Fetullah Gulen. Këtë të fundit, autoritetet turke e fajësojnë për një përpjekje për grusht-shtet në Turqi në vitin 2016.

Ka hetime, por jo edhe të akuzuar për dëbimin e gjashtë shtetasve turq

Periskopi.com Lajme

Dhjetëra shkelje të evidentuara nga Komisioni Hetimor Parlamentar për veprimet e institucioneve të sigurisë gjatë dëbimit të gjashtë shtetasve turq, nuk kanë mjaftuar ende që të ngritet ndonjë aktakuzë nga Prokuroria Speciale e Kosovës.

Është bërë gati një vit që kur Policia e Kosovës kishte arrestuar dhe dëbuar për në Turqi gjashtë qytetarë turq, pesë prej tyre punonjës në shkollën “Mehmet Akif”, dhe një mjek, mirëpo ende nuk ka asnjë person të akuzuar për ngjarjen që ngjalli reagime edhe ndërkombëtare.

Në Prokurorinë Speciale të Kosovës, thonë se hetimet kanë filluar edhe para se Komisioni Hetimor Parlamentar, të dorëzonte të gjeturat lidhur me shkeljet që janë bërë gjatë dëbimit të këtyre personave nga Kosova.

Prokurori Sylë Hoxha, që njëherësh është edhe zëdhënës i këtij institucioni, tha për Radion Evropa e Lirë, se raporti i punuar nga deputetët e Kuvendit të Kosovës, do jetë pjesë e lëndës.

“Ata e kanë dorëzuar, ne e kemi pranuar në Prokurori. Ai raport është pjesë përbërëse e shkresave të lëndës, por ne rastin e kemi filluar më herët në grumbullim të provave”, tha Hoxha.

Austria deporton 700 të burgosur serbë

Periskopi.com Lajme

700 të burgosur me shtetësi serbe në Austri do të depërtohen në Serbi.

Kjo është bërë e mundshme pas arritjes së marrëveshjes ndërmjet dy shteteve, përkatësisht Ministrit të Drejtësisë të Austrisë, Josef Moser dhe atij serb Nela Kuboroviq, shkruajnë mediat austriake.

Përmes kësaj marrëveshje po synohet përmirësimi i kushteve të burgit dhe risocializimin e të burgosurve.

Marrëveshja do të zgjatë një vit e tetë muaj, përkatësisht 20 muaj.

700 të burgosur me shtetësi serbe në Austri do të depërtohen në Serbi.

Kjo është bërë e mundshme pas arritjes së marrëveshjes ndërmjet dy shteteve, përkatësisht Ministrit të Drejtësisë të Austrisë, Josef Moser dhe atij serb Nela Kuboroviq, shkruajnë mediat austriake.

Përmes kësaj marrëveshje po synohet përmirësimi i kushteve të burgit dhe risocializimin e të burgosurve.

Marrëveshja do të zgjatë një vit e tetë muaj, përkatësisht 20 muaj.

 

Gjermania rrit numrin e deportimeve nga shteti

Periskopi.com Lajme

Gati katër vjet pasi i hapi dyert fluksit të refugjatëve që mbërriti në 1 milionë vetë, Gjermania pa zhurmë po e mbyll serish mundësinë e aplikimeve për azil e po shton deportimet.

Trendi vazhdon edhe pse numri i personave që po mbërrijnë në Europe ka renë me 80% që prej kulmit të krizës në 2015-tën.Ministri i Brendshëm gjerman Horst Seehofer deklaroi së fundmi se vitin e kaluar, Gjermania regjistroi rreth 185,000 kërkesa azili, apo 17% më pak se vitin paraardhës dhe shumë më pak se 4 vjet më parë, kur kjo shifër mbërrinte në 890,000. “Tani problemin e kemi nën kontroll dhe gjerat i kemi vënë në vije. Ne po u ofrojmë mbrojtje atyre që janë më të cenueshëm; megjithatë të drejtat e azilit do të pranohen vetëm nëse mund të riatdhesojmë ata të cilët këtë mbrojtje nuk e kanë të domosdoshme, u shpreh ai, transmeton tch.

Që prej 2015-tës, kur Angela Merkel i mirëpriti refugjatet me shprehjen e famshme: “Ne mund t’ia dalim”, gjërat kane ndryshuar. Ka pasur një kthesë në qëndrimin gjerman të pritjes duar-hapur. Partia kundër emigracionit, AfD ka avancuar ndjeshëm në sondazhe. Disa krime shokues që patën për autorë emigrantët kanë ndikuar shumë mbi opinionin publik, e këto reagime i kanë shtyrë partitë gjermane të qendrës të tregohen më të ashpra në raport me emigracionin. Javën e kaluar, Dhoma e Ulët e Parlamentit gjerman votoi që Maroku, Algjeria, Tunizia dhe Gjeorgjia të hynin në listën e vendeve të sigurta të origjinës, çka ua vështirëson së tepërmi azilkërkuesve nga këto vende mundësinë për të siguruar statusin e refugjatit. /KosovaPress/