Komuna e Istogut shpenzon rreth 90 mijë euro në dreka zyrtare, udhëtime e mëditje

Periskopi.com Lajme

45 mijë e 508 euro ka shpenzuar Komuna e Istogut gjatë vitit të kaluar vetëm për dreka zyrtare.

Afër 46 mijë euro Komuna ka shpenzuar për udhëtime, mëditje dhe akomodime jashtë vendit, raporton KTV.

Më shumë se 70 mijë euro janë shpenzuar për derivate, ndërsa rreth 26 mijë janë shpenzuar në telefon.

në këtë komunë këto shpenzime i ka quajtur shpenzime luksi.

Shpenzimet e buxhetit komunal, sipas saj, duhet të fokusohen më shumë në rritjen e mirëqenies së qytetarëve.

Kritikë për format e shpenzimit të parasë publike janë edhe qytetarët e kësaj komune.

Komuna, në anën tjetër, është arsyetuar se disa nga paratë janë shpenzuar për të shlyer borxhet e vitit 2017.

Komuna e Istogut, me regjistrimin e fundit të popullsisë, ka rreth 39 mijë banorë.

Ndërsa, buxheti i kësaj komune gjatë vitit të kaluar ka qenë mbi 10 milionë euro.

Drekat e darkat luksoze të deputetëve me para të shtetit

Periskopi.com Lajme

Ushqim aziatik, ai i detit dhe ushqimet tradicionale kanë qenë pjesë e drekave dhe darkave zyrtare të shtruara nga deputetët e Kuvendit të Kosovës për tre muaj.

Ato janë paguar nga kuleta e shtetit për disa nga restorantet luksoze në vend, ku vetëm në njërën prj tyre janë shpenzuar mbi 3 mijë euro.

Referuar raportit financiar për periudhën prill-qershor të këtij viti, të cilën e ka publikuar Kuvendi i Kosovës, ku janë treguar vendet dhe kostoja e çdo dreke që është paguar nga ky institucion,

Nga ky raport, kallxo.com ka gjetur se përvec në bufenë e Kuvendit ‘Shqiponja’, ku janë shpenzuar rreth 30 mijë euro, restorantet që dominojnë në këtë listë janë: ‘Puro’, ‘N’peshk’, ‘Liburnia’, ‘Tiffany’, ‘Vela Fish’, ‘Hib Petrol’, ‘Basilico’ dhe ‘Gagi Caffe’.

Dreka më e shtrenjtë që është paguar kapë vlerën 3 mijë e 200 euro. Kjo drekë është ngrënë në restorantin “Rron” në Prishtinë.

Por, kjo nuk është hera e vetme që deputetët kanë ngrënë në këtë vend. Për vetëm dy darka zyrtare, në këtë restaurant janë shpenzuar 4 mijë e 390 euro.

Taksat e qytetarëve kosovarë janë shpenzuar më pak se në ‘Rron’, në ‘Hib Petrol’.  Vetëm një drekë që është shtruar aty, Kuvendi ka paguar 2 mijë e 960 euro. Por, ky vend është frekuentuar më shpesh. Aty ligjvënësit kanë ngrënë 6 herë, ku në total janë shpenzuar 4 mijë e 650 euro.

Drekë që e ka kaluar njëmijëshen është shtruar edhe në restorantin “Puro”. Ky biznes vetëm për një darkë të shtruar për Kuvendin e Kosovës ka fituar 1 mijë e 800 euro.

Organi vendimmarrës nuk e ka lënë anash as ushqimin aziatik si pjesë e drekave dhe darkave zyrtare, ku ka shtruar një të tillë në ‘Thai Restaurant’ me shumë prej 58 euro e 40 cent.

Përveç kësaj deputetët, po ashtu gjatë muajit prill-qershor kanë ngrënë edhe ushqime deti. Për këtë ata kanë zgjedhur si destinacion restorantin ‘Vela Fish’ dhe ‘n’Peshk’. Në arkën e ‘Vela Fish’ janë derdhur rreth 1200 euro për 7 dreka zyrtare të shtruara aty, kurse në restorantin tjetër i cili është vizituar vetëm 3 herë janë dhënë 1105 euro.

Lokacion i drekave zyrtare të përfaqësuesve të qytetarëve të Kosovës ka qenë edhe ‘Tiffany’, ku për tri dreka zyrtare për deputetë janë paguar 712 euro nga paratë publike.

Shuma tjetër prej 1255 eurosh është paguar për resturantin ‘Liburnia’ që ka shtruar 5 dreka brenda periudhës 3 mujore.

Ligjvënësit po ashtu kanë drekuar 3 herë edhe në restaurantin ‘Basilico’.  Shuma e derdhur në arkën e këtij restorantin nga buxheti i shtetit për deputetët është 238 euro.

Deputetët e Kuvendit të Kosovës po ashtu kanë ngrënë dy herë në ‘Suo’ dhe kanë shpenzuar shumë të njëjtë prej 101 euro.

Në faturat e shpenzimeve të Kuvendit të Kosovës ka konfiguruar edhe shuma më e ulët në këto dreka e që është 2 euro. Kjo është paguar në restaurantin ‘Soma’.

Në total janë 52 mijë e 407 euro të derdhura nga arka e shtetit për dreka dhe darka zyrtare të shpenzuar nga përfaqësuesit e popullit për tre muaj.

Në raportin e publikuar të Kuvendit të Kosovës nuk janë të detajuara se nga cilët deputetë janë shpenzuar këto para dhe se çfarë është ngrënë në to.