Limaj: Nuk bëjmë koalicion parazgjedhor, të gjitha partitë duhet të jenë të gatshëm për zgjedhje

Periskopi.com Lajme

Pas dorëheqjes së Kryeministrit të Kosovës, Ramush Haradinaj debati për zgjedhjet e jashtëzakonshme tashmë ka filluar, rap[orton Periskopi.

Në TV Dukagjini, përmes telefonit edhe kryetari i Nismës Socialdemokrate, Fatmir Limaj ka konfirmuar se partia e tij është e gatshme për proceëdurat që vijnë tutje.

Ai tha se duhet të respektohen procedurat ligjore, por patjetër vendi duhet të shkoj në zgjedhje.

“Ne sot kemi dorëheqje të gjitha partitë politike duhet të përgatiten për zgjedhje, besoj që Kosova ka kriuju traditë, nuk ka nevojë për drama. Duhet respektohet procedura dhe të shkoj vendi në zgjedhje. Do të mblidhemi dhe të shohim a ka shumicë parlamenti, pastaj nëse ka ndonjë kandidat për ta vazhduar qeverisjen ku do të deklarohen partitë politike dhe në fund nëse nuk ka një kandidat të tillë do të shkoj vendi në zgjedhje”, tha Limaj.

Ai e mohoi se do të hyj në koalicion parazgjedhor me ndonjë parti politike. /Periskopi